بسم الله الرحمن الرحيم
احدى ابداعاااااااااااااات محمد بن فطيس
الضيقه اللـي دايمـا تالـي عصيـر=وش حيلتـي واردهــا لاتجيـنـي
لاطال ظل العود حزة عشـى الطيـر=كنها علـى سجـن الحديـد تحدينـي
يضيق صدري كـل ماجـات واسيـر=ولايخفـف سـوج رجلـي حنيـنـي
لاحولنـا مشـراف ولااقـدر اطيـر=يـاالله قسـمـة خـيـر لاتبتليـنـي
وعقارب الساعه توقف عـن السيـر=ولكن في (الدوحه) سواتـي حزينـي
والعبره اللي تاصـل الحلـق وتحيـر=ياقربها لـو قيـل لـي (ياعوينـي)!!
امل شـوف النـاس ورد ومصاديـر=واللي يقول أش فيك؟ كنـه يهجينـي
يعني على ماقيل مـن بـاب تصويـر=(لاحدن أبي قربه ولاأحـدن يبينـي)
أروح أدور خـط مـابـه دواويــر=وادورالـلـي هـادهـا تهـديـنـي
واخذ مع الهاجـوس سجـه وتفكيـر=واراجع اللـي فـات بينـي وبينـي
واحسـب ذنـوبـي وادور لتكفـيـر=عسـاي ماقصـرت فـي والديـنـي
وعساي ماقارنت مـن ينفـخ الكيـر=واللي يحمل المسـك جعلـه قرينـي
ويطري علي يوم الحشر واطلب مجير=مااعطى كتابـي فـي شقيقـة يمينـي
ويطري علي صدقان كثـر الدنانيـر=اللـي تعادينـي الـى كثـر ديـنـي
وراع الهروج اللي سـواة المناشيـر=أصـد عنـه وادري انـه يعنيـنـي
والى طرى لي واحدن كانـه صغيـر=أمـا أصغـر بيوميـن ولا سنيـنـي
دريت وش قومـي وعينـت تفسيـر=للضيقه اللـي مـن زمـن تعترينـي
حبه بصدري سالفة سـر فـي بيـر=وكـن الفـؤاد يقـول هـذا زبينـي
أشفق على علمن يجي منه من غيـر=مايسمع اللـي سولفـوا بـه ونينـي
العام أجيهم مـن حسـاب المساييـر=واليوم حـال عـداي وينـه ووينـي
ياكثرهم غيـره ولكـن خبـر خيـر=ماغير شوفه فـي الوجـود يهنينـي
رايـي كـذا ياعاشقـيـن الغنـاديـر=ماله علـى وجـه البسيطـه وزينـي
خطاي تعليـق الامـل فـي المدابيـر=اليـن راح وشفـت حقـري بعينـي
صبرن جميل وخابـر أنهـا مقاديـر=والله على تخفيـف حزنـي عوينـي
ذي حالتي لين تغبا الشمـس واصيـر=معطى سراحي عقب ماانـا سجينـي
والى امتلا جوف الشجر بالعصافيـر=طلبـت مـن رب العبـاد يهديـنـي
يعتقني المذن عقـب ضيقـة عصيـر=اللي على سجـن الفـراق تحدينـي!
تقبلووووووووووووووووو تحياتي
الكابووووووووووني
العرض الشجري