من قصائد شاعر المليون "محمد بن فطيس المـــري"

[شموخ سعودية]

الاسم: محمد حمد محمد فطيس المري

السن: 27

البلد: قطر

المهنة: موظف




يعمل موظف إداري بأحد المراكز الصحية بدولة قطر .. حاصل على دبلوم إدارة .. بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان
حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون.


حصل على لقب شاعر المليون وهو يستاهل وتبرع في طريق الخير بكامل المبلغ الذي حصل علية جزاه الله خير ووفا منا نحن محبي الشعر ان نسجل انجازاته في هذي الصفحه فقد تبرع بمبلغ المليون كتالي:

500الف درهم اماراتي لذوي الاحتايجات الخاصة

و500الف درهم اماراتي لاطفال فلسطين

بارك الله فيك وعوضك بخير منه رضا من الله ووالديك تستحق كل الحب والتقدير.

فجــزاه الله خيـــر على هذي اللافته التي تدون في تاريخه .




محمد بن فطيس المري شاعر المليون والملقب بالمحيط الهادي

قصايد له من اختياري ..... اتمنى ان تحوز على أعجابكم




،؛، .. ســـولفـــــوا .. ،؛،




سولفـوا تكفـون لا عـاد تسكتـون..

قبـل لا أهوجـس وياتينـي بـلاي


السكـات يـزود طعونـي طعـون ..


وتنكسر لا جا على راسـي عصـاي


سولفوا لـو مـا بغيتـوا اتسولفـون ..


قبل لا اقعد في الحزن رايح ..وجاي


واضحكوا لـو بالعمالـه تضحكـون ..


وجاملونـي لـو يضايقكـم حكـاي


لي وليـفٍ راح جعلـه مـا يهـون ..


هــو دواي وداي .. أو داي ودواي


راح لكن طيف زولـه فـي العيـون ..


مــرةٍ قـدامـي ومـــرة وراي


وإن سكتوا جا وهـو طيفـه يمـون ..


رحت أهوجس له وأبيـن لـه ولاي



مكسب عيوني من الفرقـا مـزووون ..


تمطر لطاريه .. والبرق؟أصدقـاي


كل ما طـروه لـو هـم يمزحـون ..


احرموني من غـداي ومـن عشـاي



أدري إنه مـا تناسـى الـود كـون ..


تسمع إذنه في قفـاي اللسـن عـداي



وكانهـم قالـوا نسيـتـه يكـذبـون ..


وإلا أنـا فيـه أمتلـك نظـرة وراي



كان حبه لي على خبـري مصـون ..


والله ان كنـي بقـدري ..وبغـلاي


ذي بقايا الحـب وأطـلال الجنـون ..


والله أعلم فـي ضميـره وش بقـاي


غيـر طيعونـي ولا عـاد تسكتـون ..


ولا والله إن أسمعـكـم بـكــاااي





،؛، .. يا قـــو قلــــبـــك .. ،؛،




ياقو قلبك على الصّـده ويـا صُبـرك
وياوسع صدري على صدك ويا صُبري

وياطول عمـرك بذاكرتـي وياكُبـرك
وياشيب عيني بشيّـب عـاد ذا كُبـري

والله لون حمل صبري فوقك..ان تبرك
والله ولو تعتذر منـت بعلـى خبـري

ان ما جبرك الغلا ما اقدر على جبرك
ياللي على ارض الوفا ما شبرك بشبري

تزعل وترجع وتلقانـي علـى خبـرك
وانا انكسر لك واجيـك ادوّر لجبـري

طيفك وذكراك طيلـة غيبتـك سبـرك
وشوقي لشوفتك طيلة غيبتـك سبـري

امحق وليف ومحبه والا اقـول ابـرك
حسبي عليك اعشقك وانت اتحفر قبري





،؛،.. تالي عصير ..،؛،


الضيقة اللـي دايـمٍ تالـي عصيـر
وش حيلتـي وأردهــا لا تجيـنـي

لا طال ظل العود حزة عشى الطيـر
كنها علـى سجـن الحديـد تحدينـي

يضيق صدري كل ما جـات وأسيـر
ولايخفـف سـوج رجلـي حنيـنـي

لا حولنا مشـراف ولا اقـدر اطيـر
يالله قمـسـة خـيـر لا تبتلـيـنـي

وعقارب الساعة توقف عـن السيـر
ولاكن في الدوحة سواتـي حزينـي

والعبره اللي تاصـل الحلـق وتحيـر
يا قربها لـو قيـل لـي يـا عوينـي

أمل شـوف النـاس ورد ومصاديـر
واللي يقـول اشفيـك كنـه يهجينـي

يعني على ما قيل من بـاب تصويـر
(لاحدٍ أبي قربـه ولا أحـدٍ يبينـي)

أروح أدور خـط مـابـه دواويــر
وأدور الـلـي هـادهـا تهتديـنـي

وآخذ مع الهاجـوس سجـة وتفكيـر
وأراجع اللـي فـات بينـي وبينـي

وأحسـب ذنوبـي وأدور التكفـيـر
عساي مـا قصـرت فـي والدينـي

وعساي ما قارنت مـن ينفـخ الكيـر
واللي يحمل المسـك جعلـه قرينـي

ويطري علي يوم الحشر وأطلب مجير
ما أعطى كتابي فـي شقيقـة يمينـي

ويطري علي صدقان كثـر الدنانيـر
اللـي اتعادينـي إلا كـثـر ديـنـي

وراعي الهروج اللي سوات المناشير
أصـد عنـه وأدري انـه يعنيـنـي

الله حسيبـه يـوم عـرض القواويـر
والله حسبـي مـن صـواب مكينـي


وإلا طرالـي واحـد كانـه اصغيـر
أم أصغـر بيومـيـن ولا سنيـنـي

دريت وش قومـي وعينـت تفسيـر
للضيقـة اللـي مـن زمـن تعتلينـي

حبه بصدري سالفة سـر فـي بيـر
وكـن الفـواد يقـول هـذا زبينـي

أشفق على علمٍ يجي منه مـن غيـر
لا يسمع اللـي سولفـوا بـه ونينـي

يا كثرهم غيرهم ولكـن خبـر خيـر
ما غير شوفه فـي الوجـود يهنينـي

رايـي كـذا يـا عاشقيـن الغناديـر
ماله علـى وجـه البسيطـه وزينـي

العام أجيهم مـن حسـاب المساييـر
واليوم حـال عـداي وينـه ووينـي

خطاي تعليـق الأمـل فـي المدابيـر
اليـن راح وشفـت حقـري بعينـي

صبرٍ جميـل وخابـر إنـه مقاديـر
والله على تخفيـف حزنـي عوينـي

ذي حالتي لين اتغبا الشمس واصيـر
معطى سراحي عقب مانـا سجينـي

واذا امتلى جوف الشجر بالعصافيـر
طلبـت مـن رب العبـاد يهديـنـي

يعتقني المذن عقـب ضيقـة عصيـر
اللي على سجـن الفـراق اتحدينـي





،؛،.. الــبـارحـــة ..،؛،


البارحة ربـي كتـب لـي ومريـت
دربٍ عليه بـروق الأحبـاب لاحـت

جيت المكان اللـي جمعنـا وخفيـت
وقامت جروحي للجوارح وصاحـت

ياليتنـي فـي لفـة الـدرب زليـت
كان العيون مـن الدمـوع استباحـت

التم غيـم الدمـع مـن يـوم لفيـت
وورقا القصيد لشوفـة الغيـم ناحـت

وضحكت ماأبغي الناس تدري يبالفيت
لكنها غصبٍ علـى العيـن ساحـت

حارت دموعي في عيوني وصديـت
وأرمشت مابيهـا تبيـن .. وطاحـت


وعقبه برق في العين براق .. واسقيت
خـدي ووناتـي بصـدري تلاحـت

وأنا أحسب إني في فراقـه تشافيـت
وان عبرتي من مدخل الزاد زاحـت

اللي يحسب إني على البعـد سجيـت
والا ان عيونـي للرقـاد استباحـت

ياليتني مـن قبـل لا أحبـه اقفيـت
والا ان دروبي عن دروبـه تناحـت

أهون علـي مـن البكـا والتناهيـت
وأشلا من سدودٍ على النـاس باحـت

عرفت كيف الحي يفرق عن الميـت
وعرفت قيمة نعمتـي يـوم راحـت

قولولـه انـي عقـب بعـده تدانيـت
ورجلي عن دروب المعافين شاحـت

البعد نـار وطاعـة العـذل كبريـت
يقصر على بعده .. ترى الكبد فاحـت





،؛، .. لا ضاقت الدنيـــا .. ،؛،


لا ضاقت الدنيا عليـك وتشاويـت
خلق الله اللي فالرخا كـان واجـد

ومن العرب والصوت والثوب مليت
وقامت عليك هموم بأقعـا تراجـد

فارفع يديـك لخالقـك لا توضيـت
وادعو تراك أقرب إليا صرت ساجد

ووقت من أوقاتك للأوقات توقيـت
وسجل لنفسك في المساجد تواجـد

وأبشر بفزعة حامي الدين والبيـت
إليا هجدك من الهواجيـس هاجـد

اللي يميت الحي ثم يحيـي الميـت
لرضاه شف كثر البشـر بالمساجـد

[جطلي بن فهد]

لا ضاقت الدنيا عليـك وتشاويـت
خلق الله اللي فالرخا كـان واجـد

ومن العرب والصوت والثوب مليت
وقامت عليك هموم بأقعـا تراجـد

فارفع يديـك لخالقـك لا توضيـت
وادعو تراك أقرب إليا صرت ساجد

ووقت من أوقاتك للأوقات توقيـت
وسجل لنفسك في المساجد تواجـد

وأبشر بفزعة حامي الدين والبيـت
إليا هجدك من الهواجيـس هاجـد

اللي يميت الحي ثم يحيـي الميـت
لرضاه شف كثر البشـر بالمساجـد


الف شكر اختي على هالقصايد الجزله لكن هذي بصراحه هي الي اعجبتني


مشكوره

[شموخ سعودية]

سماوي بن نجم


سررت لتواجدك هنا... اشكر لك مشاركتك بالرد

لا حــــــرمت تــواصــــلك الـــطيب بالمشاركه

[aL_CaBoNi]

شموووووووووووووووووخ

اختيار اكثر من رااااااااااااااااااااااائع

ارجووووووووووو تقبل تحياتي



الكاااااااااااااابوووووووووووووووووووووني

[شرطي بدون رتبه]

السلام عليكم ورحمة الله وبركاته
شموخ سعوديه
ذوق بالاختيار
وتسلمين على النقل الجميل لشاعر جميل جدااا
ومتالق


اخوك

[شموخ سعودية]

وعليكم السلام ورحمة الله وبركاتــه


aL_CaBoNi & شرطي بدون رتبه


كــــــــم اسعدني توقفكما هنــا

كل الشكر لمروركمــا العــطر

لا حرمت تواجدكما بمشاركاتي

[نبض المعاني]

بسم الله الرحمن الرحيم

الأخت شمـــــــوخ السعــــــودية

السلام عليكم ورحمة الله وبركاته

أولاً الله يحييك دائماً في منتداك

الشي الثاني واللي بصراحة شدني لها الموضوع مهو القصايد بس

بل طريــــــقة العرض اللي تخفى على الكثيرين

بدأتي بصورة والصورة عن الف كلمة

ثم بطاقة تعريفية عن الشاعر

ثم جاءت القصائد تباعاً بطريقة رائعة وكل قصيدة تسبقها صورة وهذا مما يدعم أي كلام

هنالك مثل صيني يقول: "الصورة تترجم الف كلمة"

أبدعتي في طريقة العرض التي تخفى على الكثيرين

تسلمين واعتبريني دائماً ممن يتابع مواضيعك

بارك الله فيك

اخوك

نبـــــــــض المعـــــــاني

[شموخ سعودية]

وعليكم السلام ورحمة الله وبركاتــه




كــم اسعدني اطلاعك ... وردك العطر والطيب على ما تم نقله

كل الشكر لك ولتواجدك هنا

لا حرمنا من تواصلك الطيب .... كلمة شكرا فعلا لا توفيك هذا المرور