يالله عســــي خيـــر قلبـــي منقبـــض وشبــــه؟ الذيب

[الخالـــــدي]

محمـــــــــــــد ابن الذيب

يالله عسي خير قلبي منقبض وشبـه؟
من رهبة الناس وألا القلب متطيَـر
ما معيَر شوق قلبي روح وانحشبـه
مكينة القلب تصرف شوق يا معَيـر
مثل رذاذ المطر ما يحيـي العشبـه
يحيي فؤاد المغربل شوفـت ..نويَـر
هنوف بدوٍ طرف قلبـي تعشعشبـه
العين تشفق لها والخافق... مسيَـر
قالت انا فيـه موضـوعٍ بدردشبـه
قلت ارفعي الصوت لبَى وجهش النيَر
قالت اخاف تتغير قلـت وليـش بـه
اما التغيار ....لا ما ني.... بمتغيَـر
قالت قبل نتشب احساسي وتبلشبـه
ابن آدم ان طال عمره عمره صغيَـر
لا تبلش القلب في حبـك وتبلشبـه
تراه طقة وجه... من عـاده صغيَـر
وتقول بعديـن هـذي والله النشبـه
اعلمك بالحقيقـه ....وانتـه مخيَـر
وطيت راسي وانا افكر وكنت اشبـه
من حيَرته السنيـن ومـات متحيَـر
وأخذت موشـة هـواان اتنعنعشبـه
لديت في ها العيون وقلـت يانويَـر
لو قالوا الناس لك يومٍ ورح عشبـه
حذفت عمري وراي وجيتش مسيَـر
لكن كلامٍ ما لش به خير وش لش به
لا تذيريـن الغـلا ويـروح متذيَـر

وقولي لرمشش لاجيـت اتحرشبـه
يرحمني شوي.... يا ملعونة الخيَـر