....... من أجمل مرثيات الشعر الشعبي ........

[full moon]

في واحدة من أجمل المرثيات في الشعر الشعبي قرأت هذه المرثيه وهي عن ( غياب الشهيد في ميدان الفداء ) ويسرني أن انقلها لكم وهي للشاعر خالد البقمي :




واكبدي اللي من الاحزان مفجوعه=كن الحنش في عروقي دافق سمه
مضت حياتي وانا اللوعه ورى اللوعه=الله يعوض العيون ويكشف الغمه
ليت المصيبه تقف عند اول الروعه=مير انتهى روع قلبي وابتدأ همه
على فقيد حبالي منه مقطوعه=اخطيت مسكة يمينه والقدر خمه
قعد له الموت في المرمى على كوعه=لاطاح دونه سهم قوسه ولا زمه
نهار دفنه ذكرت حسين ودموعه=يصد عني ودمعه مغرق كمه
وحسين يوم اجبر ضلوعي على ضلوعه=اشوف به وجه ابوه وريحه اشمه
ولا الجوارح تراها عنه ممنوعه=اناظره في الخيال ولااقدر اضمه
وابااشكر اللي وفاهم نادرا نوعه=عيال صقر الجزيره عالي الهمه
نايف وسلمان ساس الطيب وفروعه=والكل منهم يقول القول ويتمه
واسوه بالخير واهتموا بموضوعه=ثم جوله اوصل رحم مني وانا عمه
عشتوا ولا عالما بالحقد مدفوعه=ناس جميل الوطن تجزاه بمطمه
وراية هل الخير فوق الشر مرفوعه=همه هل القاعدة وانتم هل القمه
وحنا رجال الولاء واجنودمشروعه=بارقابنا العهد مثل الدين بالذمه
الحر من غيرته والذيب من جوعه=ينهش بنابه وياكل لقمته صمه
في كل يوم نطيح بروس مجموعه=والحبل فالسانيه والدلو فالجمه
في كل منبر شريف وكل مطبوعه=ارثي شقيقي وفكري يتجه يمه
روحه من اجل الوطن للموت مبيوعه=شرى الشهاده بحاضر والثمن دمه
ثنتين منها لعل الروح مشفوعه=حرصه على اداء الصلاة ورحمته فامه
امين دعوة عبادك منه مسموعه=ياناصف الغافله من راعي النمه

[عيد بن شدقان]

full moon


لاهنت


والله يعطيك الف عافيه

[ناصر بن فالح]

الله الله

صح لسااانه ولسااانك

[كويت اف ام]

مشكور اخوي على النقل
انتمنى من الموجودين ان يستمر هذا الموضوع والمشاركه

هذي مرثية ابن لعبون بزوجته

سقى صوب الحيا مزن تهاما
على قبر بتلعات الحجازي
يعط بها البختري والخزاما
وترتع فيه طفلات الجوازي
وغنى راعبيات الجماما
على ذيك المشاريف الجوازي
صلاة الله ربي والسلاما
على من فيه بالغفران فازي
عفيف الجيب ما داس الملاما
ولا وقف على طرق المخازي
عذولي به عنيد ما يراما
ثقيل من ثقيلات المرازي
أبو زرقا على خده علاما
تحلاها كما نقش بغازي
عليه قلوب عشاقه تراما
تكسر مثل تكسير الجزازي
ألا يا ويل من جفنه على ما
مضى له عن لذيذ النوم جازي
ومن قلبه غلى هب النعاما
يجرونه على مثل الخزازي
تكدر ماصفى ياما وياما
صفا لي من تدانيه المجازي
ليالي مشربي صفو المداما
وثوب الغي منقوش الطرازي
مضى بوصالها خمسة عواما
وعشر كنهن حزاة حازي
بفقدي له ووجدي والغراما
ومن فرقاه مثل الخاز بازي
عذولي في هواها بالملاما
يعزيني وأنا مانيب عازي
وكل البيض عقبه لو تساما
فلا والله تسوى اليوم عازي
سلينا لا حلال ولا حراما
عليهن الطلاق بلا جوازي
وحياة الشوق فيها والهياما
وقد منه يهتز اهتزازي
وخد تم به بدر التماما
وجعد فوق منبوز العجازي
فلا بي عقبها زاد ولا ما
وجزت من الغوى والغي جازي
وخضت بحور ليعات تطاما
خلاف الخل ما ادري وين أبازي
نكيف الهم في قلبي تراما
وجيش البين بالغزوان غازي
أريده وانكسر كسر السلاما
بسيف جرده ماهوب هازي
على بخت الدهر ليته تعاما
عفى عنها وليته مايوازي
وليتني حلمت بها وياما
بكيت لها وفي قلبي حزازي
اظل مساقم دوم الدواما
يسلم يوم ترازه الروازي
أسلم له ولا رد السلاما
عزيز من عزيزات عزازي
وصلاة الله مني والسلاما
على قبر بتلعات الحجازي

[@بنت الشيوخ@]

لاهنت.....صح لسان الشاعر.....

تقبل مروري...

[عبدالله الخويطر]

السلام عليكم ورحمة الله وبركاته

لاهــــنت .. ويعـطيك العافية

[full moon]

- عيد بن شدقان .

- ارسطووو .

- كويت اف ام .

- بنت الشيوخ .

- عبدالله الخويطر .


ممتن لمروركم العطر .....

لكم مني تحية محبه


اخيكم
//
ا
ل
ب
د
ر