دريت انه لغيري واقتنعت ولابقى مقعاد لابعاد التركي

[قبلة العذارى]

سلام عليكم وصبحكم الله بالخير



كيفـ حالــــكم؟



رائعه اعجبتني للشاعره ابعاد التركي عسى ان تنال على اعجابكم


اخليكم معها

دعاك الشوق ياطيف الغلا والا الجروح اجداد=او انك مالقيت من المواجع غير ذالسيـرة

تذكّرني عذابي وانتحي لـك طايـع منقـاد=وتروى من عروقي لين اموت ويالله الخيـره

طلبتك خلنى ماعاد جرحـي دمعـة وسهـاد=كبرت وكبرت جروح الغرام وشان تدبيـره

ولانى طفلة تزعل وتضحك للرضـا بعنـاد=يمرجحها الغرور وغرها الوقـت ومقاديـره

سرت فعيونى طعون الفراق وخاطرى ماهاد=بكيت ولا ذبحت البعد والهوجاس والحيـرة

انا ياصاحبي غنيت جرحي لين صوتي بـاد=اسنّـد لـه طروقـي واتعدانـي محاديـره

وانا اللي داعي الاشواق صافحته عنا وجهاد=ولا حصّلت من وجه الزمان الا مخاسيـره

تذكرني او انك جيت يا طيف الغـلا نشـاد=وتدرى مانسيته من خطـاه اليـا معاذيـره

سريته لين ماصارت عيوني له مسا ورقـاد=وصار الليل مسرى خوّته والعهـد والجيـره

أحبه وان ذكرته ضاعت بلاد ونسيت بـلاد=ولادري عن مكاني وين انا والناس والديـره

((كتبه الله لعمري جرح ولغيري كتبـه مـراد=وتذبحني ظنوني لاصحت بي جمرة الغيـره))

يقول انتي واقول انت الغلا ياروح روح ابعاد=عليك الله وامانه وش يضف الدمع ويجيـره

((دريت انه لغيري واقتنعـت ولابقـى مقعـاد=تفارقنـا ويامكثـر غـلاه وكثـر تقصيـره

خذا كل العمر واقفى بلاعـذر وبـلا ميعـاد=وانا قفيت ما والله في قلبـي سكـن غيـره))

وتمت


سلامي