ياليت هالعالم سوى في الحزن حتـى مـا نـدوس (ملك الشعر)

[الخيال الحر]

لأيامنـا نـظـام متغـيـر وللدنـيـا طـقـوس
وافكارنـا قـد تختلـف فيمـا نحـس وتحـتـوي
بعض النفوس من الحزن تشره على بعض النفوس
غير النفـوس نفـوس لا تشبـع ولاهـي ترتـوي
ياليت هالعالم سوى في الحزن حتـى مـا نـدوس
علـى مشاعـر غيرنـا وقلوبنـا مــا تنـكـوي
قولو لساره بنت ستـر القـوم والحـد محـروس
ابيش ماهو من ضعـاف القـوم طافيـن الضـوي
تفاخـري يالعيطمـوس وسولفـي يالعيطـمـوس
وأرقي على متن السحـاب وخلـي الذيـب يعـوي
الحزن وسط القلب مثل النبت في القاع مغـروس
وعزومنا مثل النجـوم تغيـب لكـن!! مـا تهـوي
وانا من الشعـار شاعـر مـا تتعبـه الهجـوس
إليا نويت اسري وأنـا شفقـان والليـل اسـروي
يامل قلب(ن) كل ما مال الغصـن والريـح كـوس
قامـت عروقـه تشتبـك ورى الضلـوع وتلتـوي
وبدت على الوجه الرضي علامه الوجـه العبـوس
حتـى استـوي مقامهـا لـو انهـا مـا تستـوي
الي ذوي ركابـه الخيـل ورى صلـف التـروس
البارحـه ماكـن لـي فـركـون ذا الـديـره ذوي
ياسل حالي سل كبد(ن) في طرفهـا شـق مـوس
والحزن ياكل فـي طرفهـا الآخـر وهـي تنـزوي
ورحمـة الله وبركاتـه ياحفيـد اللـي تــروس
اللـي تـروس وكثرهـم لكنهـم بعـدك شـوي !
لو ان مالك عيد يحسب لك مثـل عيـد الجلـوس
انت اكرم من الفاطمي وانت اشـرف مـن الأمـوي
تكفى يا بو ماجد اثـر الحـزن منطقـه معكـوس
أقولهـا وانـا سـوي واقولهـا مانيـب سـوي !
أول ماودعتك وأنا خاابرك ضرس من الضـروس
دنقت راسي حـاذف(ن) روحـي وقدنـي محتـوي
ولاذكرت مـن التجـارب والعبـر ولا الـدروس
إلا انت يا ابن العـم والمحـزم و مقبـاس الخـوي
ارتـاح للعبـد القـوي إلا فـذا اليـوم العبـوس
أرتحت للعبد الضعيـف أكثـر مـن العبـد القـوي
يوم اجتمعنا عند قبرك لو مـا تسترنـا اللبـوس
يمكن أقول ان حن مع اللـي طوقـو لابـن جلـوي

الشــــــــــــاعر محمد ابن الذيب

[النقال]

السلام عليكم ورحمة الله وبركاته


أخي الغالي



الخيال الحر



صح الله يمينك وصح الله السان المارد الشعري ولاهنت



سجل اعجابي بموضوعك الرائع وننتظر جديدك



أخـــــــــــــــــــــــوك



النقـــــــــــــــــــــــال

[@الشيــــــــــــنه@]

قصيده رائعه صح لسانك يالكنق

[الخيال الحر]

اشكـــــــــــــــــــرك اختى
الشيــــــــــــنه
على المرور
...والله يعطيك الف عافيه
تقبلى تحــــــــــياتي

[الخيال الحر]

اخوي النقل احترامي
وتقديرى لك على المرور
اللى يشرفني الله يقويك يارب
تقبل تحياتي .....

[الاحرش]

صح الله يمينك وصح الله السان المارد الشعري ولاهنت

[الخيال الحر]

تسلم على المرور الجميل الذي منك
دائما تفعل الطيب وبالتوفيق يارب

[الراعي الرسمي]

الخيال الحر لاهنت يامبدع على النقل الممميز

سجلني من متابعينك يالغالي

وصح لسان الكنق وربي اتعب الطحااااااااااااالب

تقبل تحياتي

[@بنت الشيوخ@]

لاهنت ..لاهنت

رووعه....

صح لسااان الشاعر

أشكرك على نقلك المميز..

تقبل تحياتي


اختكــ

@بنت الشيوخ@

[وضاح0]

للمعلوميه هذي مرثية ابوراشد في ابو ماجد (حسن بن رحيان) الله يسكنه الجنه ووالدينا جميع