العجوز اللى تحدت ابليس : )
كان يا مكان في قديم الزمان كان فيه امراه عجوز قاعدة بروحها
وفجاة طلع لها ابليس ( لقافه يبي يتحرش ابليس ) العجوز خافت وسمت بالرحمن
قالها ابليس : انتي يا عجوز هل تعتبرين نفسك داهيه ؟؟
العجوز :نعم انا داهيه والنساء عموما كيدهم عظيم
ابليس:اناا تحداك وبنشوف مين الى كيده اعظم المراة ولا ابليس
العجوز :خلاص انا بسوي مشكله وانت راح تحلها واذا ماقدرت انا راح احلها
وراح افوز بالرهان
ابليس k
راحت العجوز حق واحد من هالبطاليه اللي ماعندهم شغل ويا كثرررررررهم هذولي
وقالت انا بشغالك عندي فتره معينه بس اذ تبي فلوس لا تتدخل ولا تتكلم ( وافق الشاب لانه طفشش من البطاله
ويبي فلوس )
راحت العجوز ومعاها الشاب لمحل قماش وقالت له انتظرني عند باب المحل
دخلت المحل وخذت قماش غالي وراحت تكاسر تاجر القماش
العجوز :رخص يا بن الحلال
التاجر: اذا انتي ماعندك فلوس اخذي شي ارخص
العجوز: ماقدر لازم ولا يصير شي ماصار
التاجر:ليش ؟؟ لهاالدرجه .......... شسالفه ؟
العجوز: شفت الشاب اللي واقف عند باب المحل.. هذا ولدي ويحب له وحده متزوجه وهي تحبه ولما تتطلق من
زوجها ولدي بيتزوجها
وهو قالي ان عارضتي الزواج باطردك من البيت وامرني اني اشتري قماااش
غالي عشان يعطيها حبيبته ولا راح يطردني من البيت مع ان البيت بالاساس بيتي ولكني غلطت وكتبته باسمه
العجوز <==== تبكي
التاجر: خلاص هونيها وتهون والله كسرتي خاطري ... خلاص انا بعطيك القماش ببلاش وعسى الله يواجرني
العجوز طلعت مستانسه وقالت حق الشاب روح البيت وبعدها راحت العجوز لبيت زوجة تاجر القماش وطقت
الباب وطلعت الزوجه
العجوز : آه يابنيتي انا تعبت بالطريق وما اقدر اكمل ممكن اقعد عندك ارتاح خمس دقايق.
رحبت الزوجه ودخلتها واكرمتها وجابتلها شاي
العجوز : مشكووووووووره ماتقصرين ان شاء الله اردها لك ( تعمدت تنسى القماش) وطلعت.
الزوجه:حرام نست قطعة القماش .ز اكيد بترجع بعد شوي وتاخذها<=على وجهها المسكينه
بروح احطها بالدولاب
تاجر القماش رد لبيته وتغدى ذاك الغدا السنع ونام شوي قام العصر وفتح الدولاب بغير ملابسه عشان يروح
محله مفاجاة قطعة القماش !
عرف ان المراة اللي يبيها ولد العجوز هي زوجته يعني تخونه قام عليها وطقها وطردها بالشارع بالهدوم اللي عليها
العجوز كانت تنتظر هاللحظه في اخر الشارع فراحت لها تركض
العجوز: وش فيك يا بنيتي ليش تبكين؟؟؟
الزوجه: زوجي طردني وما عطاني فرسه اتكلم.
العجوز : خلاص انا باوديك بيتي وانا بروح احل المشكله راحت العجوز لبيتها ودخلت الزوجه في غرفه بينما
الشاب كان في غرفه ثانيه وأمرته انه مايطلع منها
راحت العجوز للشرطهتبكي وتقول :كنت قاعده في بيتي وفجأة دخل رجل ومعه مراة وقعدوا ببيتي حاولت
اطلعهم ماقدرت (احتلوا بيتي )
ذهبت الشرطه وقبضت على الشاب والزوجه وجدعوهم <= قطوهم بالسجن
العجوز : ها ها وش رايك يا ابليس ؟؟ دورك اللحين حل المشكله
ابليس:لا لا ماقدر احلها السالفه تشربكت مرررررررررررررررره
العجوز:انا راح احلها وكان شيء لم يكن .. وراح اربح الرهان راحت العجوز تزور الزوجه بالسجن وقالت لها :
انتي ساعدتيني مره وانا الحين باساعدك يلااا البسي عباتي وغطي نفسك واطلعي من السجن كانك انا وانا بقعد
مكانك .
الزوجه :مشكوره لكن انتي ؟
العجوز: مالك شغل مثل ماطلعتك بطلع نفسي
تمت ا عمليه الهروب بنجاح
الظابط امر الجنود ان يحضرون المسجونين عشان يحكم عليهم حضرت العجوز والشاب وقال لهم الوالي :ليش
قابضين عليكم وش مسوين ؟؟
ردت العجوز: احنا ماسوينا شيء كنا قاعدين ببيتنا انا وولدي ولا الشرطه طابه علينا وماخذتنا السجن .
عصب الظابط وهزا الجنود وما عطاهم فرصه يتكلمون
ويقول : غلطانين وتبون تتكلمون شين وقوات عين
طلعت العجوز من الظابط مستانسه وعطت الشاب فلوس وانهت خدمته عندها .
راحت العجوز لتاجر القماش وقالت له انها تعبت بالطريق وان زوجته اصيله واكرمتها وهي من كثر التعب نست
القماش عندها وان زوجتك بريئه وقالت خذ قماشتك لان ولدي سافر هو وزوجته الجديده.
رجع التاجر زوجته وتاسف منها وراضاها بعد .
العجوز: وش رايك يا ابليس انا فككت السالفه سهله
ابليس :انتي ربحتي وعض شليله ويقول ان كيدهن عظيم
طبعن هج واهو خايف منهاااا
14-05-2004, 06:36 PM
العرض الشجري