شعراء شبكة العجمان في جريدة الوطن

[فلاح بن ملبز]

السلام عليكم ورحمة الله وبركاته


أمس في جريدة الوطن الشاعر فهيد بن عصيدان والشاعر محمد فهد العرجاني بقصيديتين رائعتين وقد سبق للشاعر فهيد بن عصيدان ومحمد فهد العرجاني بنشر قصائدهم في المنتدى.

___________



في البداية مع الشاعر فهيد بن عصيدان على هذه الصفحه:

http://www.alwatan.com.kw/Default.as...120&pageId=335



فهيد بن عصيدان ... شاعر متمكن من كتابة الشعر القوي بالأسلوب والمعنى ...ويقدم هذي الرثائية ...في ابن عمة سالم بن ناصر العصيدان رحمة الله واسكنه فسيح جناته



شعر / فهيد بن عصيدان

سبحان من ذمّته مامثلها ذمّه=اللّي بالاسرار وأعمار البشر عالم
والموت حق ,, ونفوس الخلق بتشمّه=محدن من الموت وإسهوم القدر سالم
البارحه ,, والعباري جات ملتمّه=أنا بعالم ,, وباقي الناس في عالم!
أبكي على اللي فجع موته بني عمّه=تبكي المساجد عليه وتبكي العالم
هذاك شيخٍ على الطاعه رقى القمّه=لعبادة الله زهد ,, ولما ومرْ والم
إمطوّع وعابد وفرض الله إمتمّه=ماهو منافق ولاكاذب ولاظالم
بالمرجله له حصان وبندق وعمّه=كريم وإمقدّر ومحبوب وإمسالم
الثقلْ في عقله ,, وخفّتهْ في دمّه=وماشفت في حلمه وفي صدره الحالم
إيّاش والدّمع لاتبكين ياعمّه=لوكان فقده علينا يثّر ويالم
ماظن ياتي بطن في طيب بطن أمّه=تبطي النّساوين ماجابن مثل سالم!

وقد سبق نشر القصيده على هذا الرابط :

http://www.alajman.net/vb/showthread.php?t=45017


_____________________


ومع الشاعر محمد فهد العرجاني على هذه الصفحه :

http://www.alwatan.com.kw/Default.as...119&pageId=335


الشاعر محمد فهد العرجاني...يطرح من خلال هذي الابيات العديد من المواضيع الهامة والشاملة في الوطن العربي وحول القضايا التي لها قيمتها عند المسلمين والعرب...فقد وفق العرجاني في هذي المصارحة الشعرية القريبة من كل عربي له رؤية وكرامة واعتزاز..



شعر / محمد فهد العرجاني

ياالهاجس اللي تجيب العلم وتخمه=الفكره الكايده كمّـل معانيها

شفيك منت متقبـّـل فكرة القمه=في شاشة العرض تكتبها وتمحيها

ان كان عندك لها عنوان قم سمّه=ترى العرب ماتعيّبها أساميها

اسمع كلامي لاجبت العلم لي تمّه=ولا الفتاوي نخليها لمفتيها

كني لمحته ضحك مدري فتح فمّه=ثم صاح صيحه جميع الخلق توحيها

يالله سترك من الهاجوس والزّمه=كانه تكبـّـر على القمـّه وطاريها

قال انت تبغي كلام الصدق والذمه=ولاّ قصيده تبي تشطّـب قوافيها

قلت انت وشفيك قال الكبد منسمّه=وعرباننا كبودها ماعاد تبغيها

اليعربي ياعميلي مهدر دمه=ومقدسات العرب ماهي بتعنيها

الاقصى له سنين يزهم ماحدن يمه=وفتح وحماس اتعارك لاجل كرسيها

احزاب ماهمها الا المال بتلمه=ولا فلسطين ياعزي لراضيها

ولبنان يفجعك وضعه كيفه وكمّه =وشجعاننا حطت ايديها بمخابيها

الغرب والفرس فيها حثت الهمه= وحن همّـنا جوها وسهرة نواديها

وبغداد فيها البلاوي صدق ملتمه=الغرب ولع بها وحنا نصاليها

ورسولنا اللي بفضله قامت الأمه=عليه أفضل صلاة الله نصليها

حثالة الغرب ترسم عنه وتذمه=وحنا نقول البقر انتاجها فيها

أكبر مصيبه لا والله أكبر مطمه=وهذي النهايه ووصلها لقاريها

واحذر تسولف علي بطاري القمه=وخل السياسه لأهلها منت راعيها

وقد سبق نشر القصيده على هذا الرابط :


http://www.alajman.net/vb/showthread.php?t=44554


ــــــــــــــــــــــــــــــــــــــــــــ

صــور من ملتقى الشعراء









تاريخ النشر: الاربعاء 18/4/2007