ذيـــب الشمري وسلطان ابن وسام ( رائعه )

[الخويطري]

السلام عليكم ورحمة الله وبركاته


( هذي محاوره طال عمركم بين الشاعر الكبير : سلـطان ابن وسام الهاجري والشاعر المخضرم : ذيـب الشمري )

سلطان الهاجري

عن حجاز المملكة عن نجد والشرقية = مرحبا باصحابنا جيراننا الغاليني
شد حيلك واحتزم ياذيب بالجنبية = مار قل لصفوف شمر تنقسم قسميني

ذيب الشمري

بالنيابه عن شمال الكوره الارضيه = البقا باللى جميع اخبارهم تعنيني
صفنا ما يقبل التقسيم فى برقيه = دافعٍ قومي ايقسّمهم ودافع ديني

سلطان الهاجري

ودي اسير عليكم بعد عيد ضحيه = وان طرالي شي ثاني جيتكم ذالحيني
اجدع الجوال واخف ارقامه السريه = واطلع من العازل الصوتي لجل توحيني

ذيب الشمري

صاحبك ناويك يا سلطان نفس النيه = اقنع بفرض الكفايه قبل فرض العيني
تحترق بالنار نصف اشواقك القلبيه = وجايز انه يلتغي عقلك قبل تلغيني

سلطان الهاجري

خلني ياذيب لين اقص راس الحيه = لاتروح الحبحبه تزحف علي السكين
قبل اشيد خيمتي فالفيضه المحميه = وضعها مهوب مزعلني ولا مرضيني

ذيب الشمري

بالخلال ومن خلال الرغبه الشعبيه = امسح اللى كنت كاتب فى قلمك الشيني
لا تفكرها ليالي شارع الحلميه = فيه دسكٍ ما يعالج بالعلاج الصيني

سلطان الهاجري

والله اني مالويت الشوشه الملويه = لين شفت افكاركم تلعب علي الحبليني
شي اكيد ان البشر مامورتن منهيه = بس لاتنسى ترى نص الميه خمسيني

ذيب الشمري

احفظ حقوقك وخل حقوقي الشرعيه = لا تسير براي نابليون واستاليني
المطالب يالهواجر غير قانونيه = مالكم عندي مطالب وينكم غاديني

سلطان الهاجري

حارس الخزنه علامه يسرق الربيه = وان وصله الموت قام يصيح ويناديني
علم اللي لابسن له مشلحن عاريه = قله انه هو سبب نكبتك يا مسكيني

ذيب الشمري

اختلف رمى الرجال وطاحت الطاقيه = والعرب شافت هلال العيد شوف العيني
انت يا سلطان ضمن الجمله الفعليه = بالليال القادمه يطويك ما يطويني

( وســــلأمتكم )


الخويطري

[الشامرى]

الخويطر،،
لاهنت على ذا المحاوره الرائعه بين الرائعين سلطان الهاجرى وذيب الشمرى
لك تقديرى على جهودك فى المنتدى ،،،،،،،،

[الوافي]

الله يعطيك العافيه على هذه المشاركه الطيبه

[الخويطري]

حياك الله يالشامري ووولاهنت



ويامرحبا بك مليون بك وبردك وتعقيبك ووجودك الطيب



تقبل تحياتي



الخويطري

[الخويطري]

حياك الله يالوافي ولأهنت



ويامرحبا بك مليون وبردك وووجودك الطيب



تقبل تحياتي



الخويطري

[الجـــــــــادل]

الله يعطيك العافيه ولاهنت

[الخويطري]

حياك الله يالجادل ولأهنتي



ويامرحبا بك وبردك وتعقيبك ووجودك الطيب




تقبلي تحياتي



الخويطري

[بنت راكــــان]

وعليكم السلام ورحمه الله

والله لايهينك اخوي الخويطري على المحاوره الزينه للعملاقين شعر المحاوره

وصح لسان الشاعرين وتسلم يمناك

تحياتي لك

[الخويطري]

حياك الله يابنت راكان ولأهنتي


ويامرحبا بك وبردك وتعقيبك وومرورك الكريم


تقبلي تحياتي


الخويطري

[خيال البل]

يعطيك العافيه على هالمشاركه الطيبه
بس اشوف عندك تحيز لشاعر ذيب
مخضرم وسلطان بدون مقدمات
تدري ماني مادح احد وذام احد لا تزعل كلهم مخضرمين