مايطرب الهاجـس ولايبحـث خفـاه=الا طواريـقـه بــراس النايـفـه
والحد مايمضـي اليـن افتـق شبـاه=ولايجيـب الـراس غيـر الكايـفـه
يـدق هاجوسـي معـا دقـة هـواه=ويهيـض حتـى تنعسـف عسايفـه
لاحن رعـاد المخايـل مـن سمـاه=شرعت بـاب كنـت قبـل مسايفـه
باب الغلا للـي خـذا عقلـي حـلاه=واشتـقـت لمحـاكـاه ولطرايـفـه
غديت من دون الخيـال ومـن وراه=واتعبت فكري فـي رسـم وصايفـه
لله دره زيــن خـلـق الله خــذاه=لايابـعـد طوايـفـي طـوايـفـه
من يوم شفته والهـوى فـي مبتـداه=حسيت بـأن كنـي مـن اول شايفـه
يرتع بروحي من خلاه وفـي خـلاه=بالـي شتـاه ومهجتـي مصايـفـه
العين لـه صـدر الشمالـي لخويـاه=والقلب له جـو الجنـوب و(طايفـه)
واللي يزود داخـل اعماقـي غـلاه=لاقـام ينشـد يحسـب انـي عايفـه
وانـا ربيعـي لاخـذت يـدي يـداه=ثـم عانـقـت نحايـفـي نحايـفـه
ونسيت غربالي وهـو همـه نسـاه=وعشنا معـا (تن)الغـرام و(فايفـه)
يضيع تركيـزي واضيـع الاتجـاه=لاعـظ بأسنانـه طـرف شفايـفـه
وانسى وش اسمي لاطرق سمعي حكاه=أحسـاسـي وحـواسـي ولايـفـه
عرفه معرفني علـى معنـى الحيـاه=تعـددت فــي دنيـتـي وظايـفـه
يظيفنـي ماسنـجـره والا بــلاه=نبضـي بكرّيـات دمـي ظايـفـه
كم مرة قد سقت رجلـي فـي نحـاه=ماعودت مـن دون وصلـه خايفـه
يفـداه منحـوت تناقـلـه الــرواه=ويفـداه مطبوعـه وشهـره زايفـه
ماراح اكيد انه خـذاه اللـي عطـاه=علـى العظيـم المقتـدر خلايـفـه
من ذاق لذات الهـوى بـأول صبـاه=تكثـر ليـا طـال العمـر حسايفـه
10-04-2007, 05:56 PM
العرض الشجري