هنا تدمع أعين الرجال
خمسين بيت للشاعر نايف صقر يرثي فيها والده
وتفضـل / يا رمـان طلبـك
يامن كلامـه فـي تبـارك والانعـام=بلسـم عـزا والنـاس مايعجزونـك
ماياسعـك حـرف ٍ تكلـم والارقـام=في خانة ٍمـن حاشيـه فـي متونـك
يالحـي يالقيـوم يالكـامـل الـتـام=يامدبـر اكوانـك ولا رب كـونـك
ورّيتني في مايـرى النايـم إن نـام=حلم ٍ يقين وشـان ماشفـت شونـك
وقع بنفسي غير عـن كـل الاحـلام=شي ٍ يحـدك ماتبـي اللـي يبونـك
كنت ..فسفر وأشغلت باله بالأعـلام=والحـق لـه .. ياماتلطـف حنونـك
تجزيه رحماتك على وصل الارحـام=سعيد..في زمرة رضـاك وشجونـك
وياربي اسقه كـاس جناتـك شمـام=من روح ريحانـك ومـن زيزفونـك
ومن الرضى ومن الفضا..ريح وأعلام=في كوكب ٍ سبـح وانـاب لسكونـك
ويارب من ياقـوت فردوسـك خيـام=تبني على حـور ٍ رعتهـن عيونـك
وأعرج بروحه مع تسابيح الاجـرام=من مسجدك في سدرتك في حصونـك
يارب اخذت احبابك ارواح واجسـام=وهم ..يلهجون اسمـاك ويسبحونـك
واخترتلك من قـوم ٍ خيـار وكـرام=شيـخ ٍ كريـم ويتقيـك ويصـونـك
البارحه بـدر السمـا فالسمـا تـام=واليـوم يـارب الفـلاوات عـونـك
شروى صقر ماهـو جليـس ٍ لنمـام=ياللي توحى له علـى هـون هونـك
كانك تبيلك فاللغـط والغضـب فـام=ناضر صقـر وعـداك مايضهدونـك
وكانك تبي فالساعه الحرجـه حـزام=من نار عينـه ياسعـدك وياعونـك
لـو إن كفاراتـي اعتـاق واطعـام=حجيـت للـي كـبـروا يتبعـونـك
ناس ٍ بدون اسمـا وكنيـات وآسـام=ماودهم في مـا انقضـى يوجعونـك
لـو للبكـا مبنـى هدمنـاه بأكمـام=سالت ..ياحزني عن تتابـع مزونـك
ميتمـك مبكـى والرياجيـل الايتـام=ويرثي لحالـي صحبـة ٍيصحبونـك
وعقب ادفنوك ابطى على قبرك قتـام=دعـوات ..كـن غبارهـم يلتقونـك
يوم اختصار الناس في يـوم الايـام=والأنبيـاء والـنـاس ماينفعـونـك
عليـك واسانـا حمـايـل وحـكـام=وشيّعك مـن كانـو محامـل متونـك
من عزوة ٍ تزهاك وعيـال ٍ حشـام=ومن طيبين مـع السنيـن يعزونـك
ماعيـدو شمـر ولا قصـروا يــام=ما انت تعرفهم ..كيـف ويبايحونـك
وعوجك وسمحاتك على محمل الشـام=قـد شلتهـا والنـاس مايجحـدونـك
ورايتك بيضا في مقامـات وخصـام=وفي كـل ماعقّـدت فيهـا ردونـك
ماكنـت حسـاد ولا كنـت تـهـام=ياسيـرة ٍ ركبانهـا .. يحمـدونـك
كلك حسن لو كـان ماجـدك هشـام=وكلك محاسن من ثمـرك لغصونـك
وموطن ٍ نفسك على خمس الاسـلام=وكلك ..كثيـر الا غنمـك وديونـك
للطيب في وجهـك تباشيـر وأختـام=من شق نابك ليـن طاحـت سنونـك
للبـن حــرّاق وللـنـار شـعّـأم=وتندى صيانيـك الكـرام وصحونـك
ليديك حـزاة الصخـا سبعـة انعـام=وسبعه وراك وسبعـة انعـام دونـك
لا اقبلـت فقبالـك شجاعـه ومقـدام=ولا اقسمت خان الله كذوب ٍ يخونـك
كـن لـك سلـم لا تعليـت عــزام=وصعب ٍ على الرديان لا يصعدونـك
في مجتمعك وفـي حمولتـك سهـام=ورفاد ..يبهـج مـدك للـي يجونـك
وان جوك تقريهـم فناجيـل وإيـدام=وتفعـل وتستاهـل ..ويستاهلـونـك
دلابحتك وربعـك الخـاص والعـام=وعتيبـه اللـي فالوطـن يحسبونـك
على الغياب .. ودارك تحـس بهيـام=وتودعـك .. واحبابـك يودعـونـك
هذي هـي الايـام واحـوال الايـام=جمعه عليك .. وجمعة ٍ لـي بدونـك
وكانك علـى الدنيـا تنشّـد ياغشـام=فص بصله ماعـاد تسـوى بدونـك
وإن كان تسألني عن اخوان واعمـام=على عهدك إمابكـو .. يضحكونـك
ونوقك عشر واللـي تريمنـي اريـام=سودا ً ..ترجاني وانا كيـف اكونـك
من قـال قبلـي ماتعزيـك الانعـام=ابكن طيفـي فـي منـازل ظنونـك
عليك نوقاتـك علـى اوقاتـك حيـام=عقب ارتونك مثـل مـن ياردونـك
يارب بث ابليس ..فـذن ادم اوهـام=ومـن يومهـا ذريـتـه يسألـونـك
عن ماتبدد فـي خلـودك ومـا دادم=وعن ماتلاشى تحت مـاك وركونـك
وارسلت كتبك وانبيائك علـى اقـوام=وامرك نفـذ مابيـن كافـك ونونـك
وياقلبي انهديت مـن بـرد الانسـام=وشلون ..لو ماكان ربـك فعونـك
02-03-2007, 05:34 AM
رمـان / تفضـل طلبـك ؛ مرثيه نايف صقر في أبيـه (غشـام)
العرض العادي
