طـبـع الـصـبـايـا : سـالـم بـن جـخـيـر

[طلال بن قطام]

والله اني مابديت الهجـر ودروب الخطيـه=لين هي اللي بدت بالهجر ودروب الخطايـا

جادلٍ تخطي علي وتقول لا تخطـي عليـه=اشهد انها بالخطا المقصود سوت بي سوايـا

صابرٍ من شان طيبتها وضحكتهـا شويـه=والله اني صابر ٍ والـرب عالـم بالخفايـا

والله ان كنها توردني على حـوض المنيـه=لغمزت لي بالعيون ولضحكت لي بالشفايـا

كن بشفاها كلام يقول شـوف النـار حيـه=وان بغيت الثلج شوف الثلج في ذيك الثنايـا

عيدها لاقلت بعلى الصوت( وينش يابنيـه)=كن حرف الشين مكتوبٍ على كـل الزوايـا

يوم قلت الها الحذيه قالت ابشـر بالعطيـه=قلت جوزي من عنادك قالت كلي لك عطايا

قلت يعني صادقه قامت تبسـم قالـت ايـه=قلت وش يثبت كلامك قالـت ورب البرايـا

انك اغلى من مشى في الارض من بد البريه=وان حبك مسكنه موجود من بيـن الحنايـا

قلت طيب ويـش حـدك فالعلـوم الاوليـه=يوم قلتي لي علـومٍ كلهـا سهـوم ومنايـا

يوم قلتي لي نويت الهجـر والنيـه مطيـه=يوم بدلتـي النوايـا يـوم بدلتـي النوايـا

قالت انك تعرف اني بالعمر تـوي صبيـه=والدلع دايم تعرفه طبع من (طبع الصبايـا)

بس انا بطلبك طلبه انـك اتحـل القضيـه=وانت من ناسٍ تعتق ارقاب وتحل القضايـا

قلت تدرين انتهى الموضوع( وينش يابنيـه)=كن خليها كتبت الشيـن فـي كـل الزوايـا



سالم بن جخير