ياليت الحكومه تفصل الهاتف الجوال=على شان ماستقبل كلام ٍ ولاا كلم

[ابو ياسر 5]

الشاعر الكبير سلطان ابن وسام الهاجري واخر قصيده كتبها شاعرنا
اتمنا ان تنال على رضاكم
اخوكم ابو ياسر

انا والله اني لي اسبوع وثلاث ليال= وانا احس في صدري بضيقه ومتآلم
ليا نام آبو قلبٍ من هموم بقعاء خال=يطير الكرى كني موقظ ومتحلم
همومي لحال وهم جرح الزمان لحال=تلم الجروح وللندم جرح ماينلم
لكن اعتبرها يارفيقي على ماقال=صلى الله على وجه اشرف الخلق وسلم
ترديت لكني ترديت في رجال=ليا طبت علم وان ترديت ماعلم
مابه طيبٍ ماقد تردى بخاطي حال=يبيها وكنه مير مربوط ومبلم
ياكود انت ياحثلان يامضرب الامثال=على طول ونته للمواجيب متولم
صدق من يقول ان المراجل صروح جبال=وعشاقها تطلع قممها بلا سلم
اذا ان الصعود اسهل كثير من المنزال=طريق الحدور اظلم من الليل لاظلم
ياليت الحكومه تفصل الهاتف الجوال=على شان ماستقبل كلام ٍ ولاا كلم

[نسل الطويل]

لا هنت يا ابو ياسر

وصح لسان ابن وسام