صديت والنفس من صدتك خسرانه=أضحك وأظلم الوجع فالصدر وأكنه

[شرس]

سبحـان رب المـلا والكـون سبحـانـه=الحـمـد لــه والثـنـا والشـكـر والمـنّـه
الواحد اللى تخضع الروس من شانه=نطلـبـه فالرشـد.والأصـلاح .والـجـنّـه
مـرّت بـى البـارحـه والعين.سهـرانـه=والقلب من هاجسه يقرع كما الشنّـه
أراجــع العلـم.مـن سـاسـه وعنـوانـه=وأجر مـن واهـجٍ وصـط الحشـا ونّـه
كـن المشـاريـه راحــت مالـهـا خـانـه=حتـي جنيـه الذهـب مـا عـاد لـه رنّـه
علمـي بطيـرى كفـخ ويـرف جنحانـه=يا أهل المقانيص من رد الخبر عنّـه
قرنـاس بكـرٍ حمـر ماهـوب شيهـانـه=أبعدت عنه الخطر وأثر الخطـر منّـه
ياكيف راع الأحسانـي ينكـر أحسانـه=ماهيـب فالشـرع والمعـروف والسنّّـه
ياكبـر هـم الصحيـب وغلطـة ألسانـه =أليـا تمـادى بطيـشـه وأختـلـف ظـنّـه
أقفـى وعـاف المكـان وصــك بيبـانـه=وأنــا عــن المخطـيـات أدراه وأحـنّـه
مـاكـن ديــوان راع الـعـرف ديـوانــه=ولا كـن هيلـى كـرمـه وطيبـتـي بـنّـه
شوف المعاليق مـن فرقـاك عطشانـه=ضامـى وفوقـي لرعـاد المطـر حـنّـه!
صديت والنفس مـن صدتـك خسرانـه=أضحك وأظـم الوجـع فالصـدر وأكنّـه
البـيـت ماينبـنـى مــن دون عـمـدانـه=ثــن الخـبـر لاسمـعـت السالـفـه ثـنّـه
والـرجـل دربــه مــع خـالـه وعمـانـه=مـحـزمـه فـالـلازمـات وفـنـهــم فــنّــه
الـعـلــم لاواجـــــه الــديـــان ديــانـــه=وأقفيـت تبكـي وغيـرك ضاحـكٍ سنّـه

لــ سعد براك