(( أهل الهوى ))
ياعذولي قول ويـن ألقـى دوى=وأطفي قلب" بالمحبه يستـزيد
من هموم أهل الهوى قلبي حوى=ثم سرى مابين دمـي والوريـد
وفاض مكنون الجوى يوم أرتوى=لين صار القلب غيـره مايريـد
أه لويدري أبحالـي وش نـوى=عايش" لاشك في حبـه شهيـد
ياقمـر بالله نـورك لاضــوى=بلغ المحبوب عن ذيـك الوعيـد
هل صحيح الحب صفح" وأنطوى=أم دخل في مهجتـه ود" جديـد
وش يفيـد الحـر لامنـه دوى=كان كفـه للفرايـس مايصيـد
مير قلبي يلتوي عرقـه لـوى=لوت صنـاع الهنـادي للحديـد
ليت جنح الليل يجمعنـا سـوى=وأملي شف" في ضميري له وقيد
كني ذيب" بالعـلا جـر العـوى=فاقد" حاجه على رجمـه وحيـد
غيرنا بالحـب عزمـه ماقـوى=ولا تغنى الورق بكـاه الغريـد
ياعذولي قول ويـن ألقـى دوى=وأطفي قلب" بالمحبـه يستزيـد
الشاعر : محمد بن اسلوم الكبيسي
منقول
قصيده غزليه جميله
العرض الشجري