شركة الحكير ,,, رأيكم في الإكتتاب

فيصل بن حجرف · #1 13-10-2006, 12:25 AM

السلام عليكم ورحمة الله وبركاته

نزلت اسهم شركة الحكير للإكتاب قبل كم يوم واعتقد الاكتتاب لغاية تاريخ 16
لكن سعر السهم 110 ريال واعتقد انه سعر مبالغ فيه وكثير من الناس رافضين يكتتبون فيه
والبعض يقول انها فرصه اذا اغلب الناس مايبون يكتتبون ان الواحد يكتتب يطلع له اسهم أكثر

فماهو رأي الخبراء؟

ولكم جزيل الشكر

محمد بن جنيد · #2 13-10-2006, 12:38 AM

السلام عليكم ورحمة الله وبركاته

مع اني ما اكتتبة فيها لحد الحين

ولكن معروف بالسوق السعودي اكثر الشركات وخصوصا اللي تم التداول فيها السنتين الاخيره مافي احد خسر (( الشركات الجديده ))

واتوقع ان شركة الحكير على الرغم من ارتفاع سعرها الا انها راح تحضى بنسبة تخصيص جيده ممكن تسع اسهم من عشره (( توقعات )) لان الكثير متخوف وهنا الخوف ليس من الخساره بل من قلة الارباح مثل ماصار في اعمار
يعني اعمار متوقع سعر السهم 60 ريال وبعضهم راهن على 100

واتوقع هالشي خوف كثير من المستثمرين بالسوق السعودي

هذا رأي مع اني ماني خبير بالسوق ولكن من خلال متابعتي له اتوقع شركة الحكير فيه ربح ولكن ليس بالربح الكبير

تحيتي

الباشا · #3 13-10-2006, 01:02 AM

من المعروف ان كل أكتتاب جديد مربح
ولا يوجد فرق بين هذه الشركة والشركات التي سبقتها
في طرح اسهمها للإكتتاب

والله سبحانه وتعالى أعلم

™ عبد الله ™ · #4 13-10-2006, 01:19 AM

السلام عليكم
مساكم الله بالخير جميعا

والله انا اشوف ومن خلال رؤيــة اقتصــاديه << خرّيج محاسبه

ان سهم الحكير واسهم شركات العوائل عموما .. لا ينصح فيها الخبراء
اولا .. لأن الشركه كلـّـها على بعضها ما تجي بنصف قيمة الاكتتاب اللي حاطينه
لأنهم طرحوا 30% من اسهم الشركه والتكلفه الاجماليه للشركه لو تم تقييم اصولها وحقوق الملاك فيها ما تسوى نصف القيمه اللي راح يتم الاكتتاب بها
يعني لتبسيط الامر .. انا عندي شركه عائليـّـه .. وابي فلوس وش اسوي ؟
بدال ما اروح اقترض واخذ قروض بذيك الحكايه .. اطرح جزء من اسهم الشركه للاكتتاب العام بحيث اني اكون ما زلت مسيطر على الشركه لملكـّيــتي لـ 70% من اسهمها وبكذا اخذ دبل قيمة الشركه لو تمّ بيعها
انا اقول هالكلام من خلال ماهو على ارض الواقع بالنسبه لجميع شركات العوائل اللي طرحت اسهمها للاكتتاب
بالاضافه الى ان سعر السهم 10 ريال .. ومضاف عليه مبلغ 100 ريال كـ علاوة اصدار
المعروف ان علاوة الاصدار المفروض تحددها وزارة التجاره وذلك لكون الشركه قائمه وليست تأسيسيـّـه .. وانها تمارس نشاطها من قبل عملية الاكتتاب
لكن اللي صاير ان الشركه نفسها مع مكتب استشاري واقتصادي يتم الاتفاق معه لكي يحدد لها قيمة علاوة الاصدار علما بأن علاوة الاصدار يحكم شيء اساسي وهو ( مكرّر الربحيـّه) في الشركه
فـلو كانت الشركه تدرّ ارباحا سنويـّـه نتيجه نشاطها التشغيلي ..شيء طبيعي راح ترتفع علاوة الاصدار
لكن اللي قاعدين شوفه مثل شركه الحكير والبحر الاحمر وغيرها من الشركات انها قاعده تبالغ في تحديد علاوة الاصدار

هذا كله برؤية اقتصاديـّـه
لكن كـ توقعات شيء طبيعي ما فيه احد راح يخسر من اي عملية اكتتاب الا اذا كانت الشركه اصلا خسرانه لـ 3 سنوات على الاقل ..
بس انـّـي احجز مبلغ 1100 ريال عن كل شخص راح اكتتب عنه .. وفي المقابل اتوقع تخصيص اسهم قليله مقارنه مع الاسهم المطروحه للاكتتاب اللي هي تسع ملايين مدري ثنعش

والله يوفق الجميــع ويرزقهم الحلال الطيـّـب

رعاد · #5 13-10-2006, 02:29 AM

اكتتب وتوكل على الله ان شاء الله فيها خير

عدد المكتتبين حتى نهاية يوم الاثنين 357000 مكتتب

واتوقع ان عدد المكتتبين راح يتجاوز 2 مليون مكتتب يعني التخصيص حول 5 اسهم او اقل

تحيتي لك

فيصل بن حجرف · #6 13-10-2006, 02:42 AM

السلام عليكم ورحمة الله وبركاته

جزاكم الله خير جميعا يا اخوان

بس اشوف فتى البزابيز متشائم من الشركه هذي

لكن الظاهر ان حنا بنتوكل على الله ونكتتب

البادع · #7 13-10-2006, 02:51 AM

السلام عليكم ورحمة الله وبركاته

مساء الخير يابو عبدالله

من الطبيعي الإكتتابات لايوجد خاسر ولكن هل التخصيص مجزي

تحيتي وتقديري

sohab · #8 13-10-2006, 06:39 AM

السلام عليكم

حياك الله اخوى ابوعبد الله

( طيب السوق ولاطيب البضاعه)

هذا المثل يتطابق اليوم مع واقع السوق وشركة الحكير

سوق الاكتتابات هاليومين جيد انما لن يستمر ذلك طويلاً

بالرغم من الشركه ليست بذاك القوه من الاصول الا ان التوقيت جيد

ربما لو انها طرحت بعد 6 شهور قد لا يكون الاكتتاب مناسب اما الان

فأن نظرية القطيع تصنع الربح ..... توكل على الله

البركه العشر المباركه

وادعو الله ان يتقبل من الجميع

وان نربح فى يوم الربح الاكبر

بــ راكان ــنت · #9 13-10-2006, 07:05 AM

السلام عليكم

الحكير تدخل السوق وتطرح اسهم,,,!!
بصراحه انا مو مقتتنعه فيها,,,

والله يوفق اللي بيكتتبون..

Dr.Corvette

™ عبد الله ™ · #10 13-10-2006, 09:22 PM

ابو عبدالله ولا يهون كل من يقرى ..
انا بنيت تشاؤمي هذا من شركات العوائل للأسبــاب اللي ذكرتها لك

بالاضافه الى اني راح احجز مبلغ وقدره وبعد شهر او شهرين متى ما ادرج السهم في السوق .. راح اجنــي ربح قليل لأني ما اتوقع ان السهم يوصل اكثر من 140 ريال عند الادراج

بعطيك حاله عمليـّـه
عندك 20 شخص و لو افترضنا انهم راح يوزّعون 5 اسهم (مع اني مستبعد هالشيء مثل ما صار مع اسكان وزعوا سهمين مدري ثلاثه)
راح يكون مبلغ التكلفه
20 شخص × 1100 ريال عن كل شخص = 22000 ريال
بعد التخصيص (افتراضي) وزعوا خمسه اسهم :
20 شخص × 5 = 100 سهم
100 سهم × 1100 ريال = 11000 ريال
معناته راح تكون تكلفتك الفعليـّـه هي احدعشر الف ريال
لو افترضنا سعر السهم وقت الادراج (140 ريال) .. راح يكون ربحك كالتالي :
11000 ريال - (100 سهم × 140 ريال) = 3000 ريال
وبكذا تكون نسبة الربح 27 %

يعني بالعربي اللي عنده ناس واجد بيكتتب عنهم راح تكون مجزيه