|
اهلين ياسمح المحيا وسهلين ,, عبدالله علوش
السلام عليكم
قصيده للشاعر عبدالله علوش الهاجري
اهلين ياسمح المحيا وسهليـن=ياراس مال اللي يبيك ورصيده
اشتاقلك شوق الشقي للملايين=اللي حياتـه كلهـا عالحديـده
لاشفت وجهك قلت للهم بعدين=يروح هم القلب ويعود عيـده
يميزك عن باقي الناس ثنتيـن=ثنتين من غير المزايا الفريده
معطيك رب الصايمين المصلين=اللـي جعلنـا كلبونـا عبيـده
عطاك عين ماخلق مثلها عين=والخد بلحاله يبي له قصيـده
ياعاقلن ماغرته موضة الفيـن=ولا لقينا صورتـه بالجريـده
وجهن اذا شفته تذكرت شيئين=الحظ الاوفر والحياة السعيـده
__________________
مانيب لا مغرم ولانيب مشعوف=وماهوب يرضي مطلعي مارضو به
اغلي بدون حدود ولا ارخصت ماروف=لاضاع صدقي فالقلوب الكذوبه
تقدر تقول اني معقد ومكشوف=عيبين وابن آدم يا مكثر عيوبه
|
15-09-2006, 12:04 PM
العرض العادي
