عــزااااه ....... قصيدة هيضتني !!

[عبدالله بن ذروه]

السلام عليكم و رحمة الله و بركاته

أعزائي الأعضاء هذه قصيدة للشاعر محمد بن سبيل أتمنى أن تحوز على إعجابكم و رضاكم

يقول ابن سبيل :

عزاه هذا ثاني أعياد فرقاك =و ثامن سنين الحب ذا مبتداها

عيد على من لاع قلبي وعناك =وعيد القلوب اللي تحقق مناها

وجرح لروح ماتبي غير لقياك =حيث إن شوفك عيدها يا هناها

كل يقول مبارك العيد وشجاك =زادت هواجيسك وش اللي دهاها

يالايمي لو بعض ما صابني جاك =عافت عيونك نومها من غثاها

كثرت هواجيسي بعد فقد هذاك =مقهور كل عايد اللي هواها

و أنا هواي اللي بالاعيان فتاك =اللي رحل وديار و ليفه جفاها

يا صاحبي كثروا عواذل من اغلاك =وزادوا جروحه حسرة ما قواها

ياليتهم يدرون عمن تحراك =و عين مطاولها السهر من شقاها

عامين بس اذكرك وابكي لذكراك =و ابكي قلوب ما تحقق رجاها

قلبك يبي قربي و قلبي تمناك =و الكل منا في عشيره تباها

حب الشرف يا عل روحي فداياك =روح هواك لمنتهاها حداها

حب على وضح النقا لاعد مناك =و سيرة هوانا غيرنا ما حكاها

يا شوق واللي باحسن الوصف سواك =لارجيك لين الروح تصعد سماها

ولاصبر على فرقاك ما والله انساك =يا كود جسمي يندفن في ثراها

و تقبلوا تحياتي

عبدالله بن ذروه