كان نهار ابن معيديله الشودحي من الاسلم عنده نياق فأخذ نياقه احدى القبايل وراح لذياب ابن حسان اخو وطفه عشان يرجع نياقه وما سوى شي ابن حسان لأن كل وقته حق ضيوفه وتقليط الصحون مرت سنه كامله وابن معيديله ما رجع حلاله بعدها راح للشيخ كنعان الصديد ابن هيشان بمجلسه قبل لا يدخل ابن معيديله للمجلس قال كنعان حق جماعته هذا ابن عمكم ابن معيديله جاكم متوازي خلو شوفتكم بعيده بعدها دخل ابن معيديله وقال كنعان يالله حي ابن معيديله قعد نهار المعيديله وتقهوى وولع سبيله لما خلص من سبيله قاله كنعان الصديد سمعنا انك قايل قصيده يا نهار قال نهار القصايد راحت مع اهلهن قال حنا اهلهن وانا راعي اللحيزه قال نهار ونعم ابن هيشان عاد قال هالقصيده اللي بعد ما سمعها كنعان الصديد جاب حلال ابن معيديله كله
نـخيت انا حكم شديد يجـــيــبه # عشايري يا ذياب غدوبها الكرد
مهي بنقا ياذياب ولاهي بحريبه # اخاذها فلاح سوقن بــلا طرد
وين الجهام اللي تجينا صليبه # وين الجموع اللي تجينا على سرد
اللي نخاك يا ذياب لازم تثيبه # راعي الصحون اللي عليهن تقل ورد
تر بيت ابن هيشان لكم رجيبه # مثل الذرى وان جن سحبن بهن برد
أليا ركب كنعان بنت العريبه # سطيمهن لعيب حوسن بهن حرد
12-08-2006, 02:31 AM
العرض العادي
