ارجو ان تحوز على الاعجاب
مدغم ابو شيبه
ياوجودي وجـد مـن نفسـه جزوعـه = بــاقــيٍ فـيـهــا عــلــومٍ مـانـسـتـهـا
لابغـى عـن سجتـه ينـسـى دمـوعـه = مـرتــه ذيــــك الـعـلــوم وحـولـتـهـا
واشعلـت نـارٍ حطبهـا مــن ظلـوعـه = تـاكـل الـلـي فوقـهـا والـلـي تحـتـهـا
كل ما اذكر مـن خـذت قلبـي قطوعـه = واقتفـاهـا الـنـوم وعـيـونـي قفـتـهـا
جوخـةٍ مـن متـن ابـوزيـد مخلـوعـه = لـو درت عنهـا السلاطيـن اسرقتهـا
ظـامــرٍ سرجـوفـهـا كـنــه بـجـوعـه = مـاتـفـرق بـيـنـه وبــيــن ارقـبـتـهـا
كنـهـا ظـبــيٍ قـبــل ظـلــه يـروعــه = بـاقـيٍ فـيــه التـفـاتـه مـــا التفـتـهـا
اسم ابوها (اللي يحطه تحت كوعـه) = واسمها (اللي تدرسه في مدرستها)!
ماتعـلـى فــي الـخـيـال ولا فـروعــه = غـيـرهــا .. ولا تــبـــوأ مـنـزلـتـهـا
كن عمـري مـن سبوعـه لا سبوعـه = تنظمـه نظـم الـخـرز فــي سلسلتـهـا
تجمـعـه لاشعـشـع سهـيـل بطلـوعـه = وتـنـثـره لاحـتــت الارض ورقـتـهـا
همهـا اشــرب دلـتـه وآكــل قـدوعـه = مـن ظوتنـي ليلـة السـبـت وسرتـهـا
روّحــت وفــوادي الـفـرقـا تـلـوعـه = ماحسـدت الا البسيطـه فــي سعتـهـا
القـنـاعـه كـنــز للـنـفـس القـنـوعـه = مابقـى الا روحـي وروحــي خذتـهـا
ليتهـا مـرواح مـن يـرجـى رجـوعـه = كـان ماغمضـت عينـي مـن جهتـهـا
والضياع اللي طبوعـي مـن طبوعـه= ابــركــات الله عـلــيّــه وابـركـتـهــا
ضاع عمري من سبوعه لا سبوعـه = مابـقـى الا ليـلـة السـبـت وسـرتـهـا
العرض الشجري