ابداع شاعر في قصيده.....للشاعر راجح بن سالم العيري الشامري

[ابن صليفيح]

قصيده جميلة ومعاني اجمل لانسان صالح
اتماني ان تنال اعجابكم

نويت أسوي من قصيدي ظليله=وأقدمه للي معه ذووق وحساس
لاهو بلا سرقه ولامستعيره=ولاشريت الشعر نظمي من الرأس
أظني علي معني وعلم وبصيره=وماهي بهرجة معشرن مالها ساس
عندي جزيلاة المثايل وفيره=مثايلن عندي جدادن ودراس
وأخترت ذبدة ما معي عن كثيره=ولاخير في هرجن علي غير مقياس
أبغي لاجا حلقتن مستديره=واللي يعرفون أجود الشعر جلاس
أنثر علي روس النشاما عبيره=وأصرف ألهم من الغالي الدر والماس
توفيق من علام خاف السريره=اللي يعين ويدفع السو والباس
وهديتن لهل الوجوه السفيره=وللي يدور منهج الخير نبراس
رجلن بلا دين حياته حقيره=وأن مات قبل يتوب يبشر بلفلاس
وأن تاب فاالله ما يخيب جويره=يغفر ويرحم ويتجاوز عن الناس
ورجلن بلا ربعن حباله قصيره=وعند العرب ينهان قدره وينداس
وإن كان ربعه خوش ربع وعشيره=جا في ذراهم كل ماهب نسناس
ولله الطيب بقومن عسيره=قلوبهم سودن من الحقد وخساس
يبعد ويصبر جعل فاالأمر خيره=بعض البشر بعده مسرات ووناس
ويشعب عن الدار الوبيه بعيره=ولايدور من ورا النذل نوماس
أرض الخلا في غار ولا حضيره=أخير من قرب الذلايب والأنجاس
وقوم بدل قوم وديره بديره=ولا للعزيز بساحة الذل مجلاس