قصيدة الصومالي في آل عامر

[يامي والكبر لله]

هذه القصيدة للشاعر حمد بن سعيد الصومالي اليامي
يمدح ال عامر والقايد عبدالله بن شويل بعد معركة الغريميل سنة 1404 هـ التي وقعت بين السعودية واليمن وقد قتل من ال عامر عبدالله بن شويل وعزران بن عسكر ومبارك بن مانع بن دواس أما اليمنيون فقد قتلوا جميعا وعددهم أحد عشر رجل وكان عبدالله بن شويل والقوات السعودية قد استولوا على عدة مراكز واجبروا اليمنيين على التراجع إلى داخل اليمن
يقول الشاعر[
العين تشكي وكن في طرفها ملة
عقب المناعير نوم العين قاذيها
مبدى الغريميل علمك وين عبدالله
ياوين ربعن نهار الضيق ندعيها
أنشهد إنهم هل النالات والشلة
يستاهل المدح والنالات راعيها
ربع نهار اللقا تروي السلة
أسقوا هل الجيب مر عقب حاليها
حرابنا في ظلام الليل نندله
لو كان داره بعيدة لازم نجيها
مانبغي الصلح لين البقع نحتله
لين راعي الكرم يعرف قوافيها
نبغي التقدم على اللي مالهم حلة
نروي كبود ظماها باقي فيها
ياطارش صوب مجخر بالخبر قله
زيوده اللي دعـاهـــا لا يخليها
ثلث مصوب وثلث لارحمه الله
والثلث الآخر أسير عند حاميها
حطواسلبهم على اللي حاضر وشله
و مدرعتـهم خذيناها ومـا فيها
نعرف طريق الخطأ والعمد والزلة
قال المثل من حفر حفرة وقع فيها
قل للطحامي وابن ثلة أو ربع له
بلادنا ما اخبل اللي طامـع فيها
حدك رشامة وجارد والسهل خله
من كان عيا فيحضر والوعد فيها
الحد صعبن على اللي ناوي حلة
أجدادنا ما عطوها فكيف نعطيها
لاتحسبنها سواليف على الدلة
واكذابك اللي على ربعك تسويها
يابو جديل على الأمتان منهلة
غني لمن في اللقا يحمي مجاريها
اللي حضر من الامارة والخفر كله
واللي حضرمن مواطن واشترك فيها

[الباشا]

لا هنت اخوي يامي

والله يعطيك العافيه على القصيدة الرائعه وقصتها

[يامي والكبر لله]

ولانت يالباشا
وشكراً لمرورك

[عــــرق الحــــاذ]

يامي والكبرلله اشكرك على مواضيعك الجزله وعلى هذه القصه والقصيده الي تشرف

[فتى العجمان]

الله يرحمهم

ويبيحهم

وصح لسانك على ذا القصيدة الجزلة

[يامي والكبر لله]

مرحبا بكم جميع
تقبلوا تحياتي

[الملك]

صح لسان الصومالي
ولاهنت يايامي

[وحيد الغربه]

بيض الله وجهك على القصة والقصيدة
وفعل ال عامر الي ينومس

[محمد العبداني]

لا هنت يا يامي وتسلم يمناك

[الاحرش]

لاهنت


يامي والكبرلله


على القصه والقصيدة الرائعه