قصيدة لـ سعود بن محمد آل جوخه الشامر

[ماء سحــــــــــــاب]

أحب البداوة والبداوة هوى بالي =
وأحب الهوى الغربي مع حزه المغباش
وأحب الرعو في مرتع تو ما سالي =
ما داج به الكشات واللي يحط اعشاش
وأحب شبتن للنار ولانيب بلحالي =
معي ربعن سوالــفهم تبرد الجــــاش
يا جعل بيتن مايجونه ياتيه زلزالي =
وإلا يجيه اسكود من مصدره طــــراش
تـرى ربعـك يالفتى هم زهرة المــالي =
في غير ربعك لو تمرجلت ما تســواش
كم صبيٍ من لابتـــه صاده إجفـــالي =
يقول هذا يكرهني وهذا معي غشــاش
ألا ياعليّــه يا مال حقوق همـــــّالي =
ايحدر مع الوديان سيله يزف اقشاش
أنتي ذخيرتنا لاحدانا أشهب اللالي =
أنتي ذخيرتنا لا جات السنين اشحاش
ديره بني عمي وأنا في مدحهم صدقن أقوالي =
مانيب من يــاتي بمدحه على مـــاش
دار الشوامــــر وهم من يــام والله الوالي =
ما جــابوا السكران وفلمه المحـواش
مـن باب نجـــران إلى هجـــر وشمــالي =
تلقى به يامــية على الجود عطــــاش

ألا يا سعد منهم لابته لا طبّح التالي =
ألا يا سعد منهم فزعته لأقفوا بالادباش
يا سعد منهو معهم من لابتـــه جالي =
تهنا عينه بنومــــــها لــو بدون فراش
كــم واحد من ضربهم لِـف بالشــــالي =
وإلاّ عشا للطــــير والذيــب نهّــــــاش
هواجيس قلبي بين الأضلاع تجتــــالي =
كما جول سيلٍ يجتول في محير ادشاش
أنا دموع عينـــي على الخـدين زلاّلــي =
مابي هــوى ولا حـداني غرامــن طــاش
إلى من ذكرته يومٍ رحــل يا فنى حالـي =
ألا يا تل قلبي يوم قفّــى على الانعـاش
ألا يا تل قلبي يوم حوّل في قبره الخالي =
عليه اللــبن صفّوه وأضفوا عليه الشــاش
ألا يا تل قلبي يوم عليه الرمل ينهــالي =
عليه النصايب رززت والدموع انطــاش
ترى طيب الأقصين لو نخيته جالك موالي =
وترى طيب الأدنين سيفــك فكل هواش
وترى ردي الأقصين بتقول مـالك ومـــالي =
وترى ردي الأدنين في عينك كما المنقـاش
ألا يالله عسى للقـرم في الخلد منـزالــي =
وإلاّ الردي ننساه عايش والاّ ما عــــاش