|
قصيده ابن كحله ال غفران في ربعه
كثر القصيد وكثر حكي المراوين=وتخالفت الاقوال ياهل الغياره
الحكي ياهل الحكي ماينزع الدين= والفعل حرب والصمايل اذعاره
غير اسمعو من شاعر القوم بيتين=في راس عيطا شب للقوم ناره
سخر قوافيه على شان شيئيـن =وكلن على ماقيل حسب اقــتـداره
الاوله سد الحلوق المشاحين = اللي على التزييف تعطي البشاره
والثانيه رفض المذله مع الهين = ولاخير في من لايرد اعتبـــــاره
رسالتي مضمونها فالعناوين = للعلم له شان وللقول شــــــاره
ردوا خبرها يالرجال الفهيمين = صوب ابن ثاني والخيار اختياره
رسالتن عنوانها بين قوسين = اخذ الحذر ياشيخ عقب النذاره
وقولو لبن ثاني زبون المجنين = لايطيع فينا اهل للبغض والحقاره
أما يعاهدنا على الزين والشين = والا جلينا كلنــــــــا من ديـــــاره
والا انتزحنا منه مافيه ثنتيـن = ماننتزح ياكـود من عقب غـــــــاره
ترى الكبود من الترى شرها شين =والروس تقدح من طناها شراره
زودن على شوف القهر والمساجين = تسحب جناسينا بحجـــــه قراره
ماهوب حقن يتخـذنا نيا شيـــن = وينسا مواقفنا و *** الضفاره
ينسى مواقفنا من اول وذالحين = في ساعتن كلن بجداه أعتــذاره
مواقفن ماهيب تحصر بسطرين = سطّر لهـا التاريخ تـاره وتــــاره
يشهد لنا ضرب القنا بالميادين = ويشهد لنا ليل الهجاد ونــــهـاره
ويشهد لنا جال الربيكا** اسنين = وقلعه افويرط مع حرب الزبـاره
يوم اقبلو ربعي سوات المجانين = مثل السباع اللي على راس قــاره
ربعي نسل غفران بالعسر واللين = الكل منهم وافياتـن اشبــــــــــاره
مرّيتن عوق الخصام المعادين = روس الرجال اهل الوفاء والنعاره
ومرّيتن عند الملاقى شياطين = سهاجت السلطان في عقــــــر داره
يالابتي مالت علينا الموازين = والله رمانا بين مبغظ وكـــــــــــاره
وياصلب يام مطوعين السلاطين = الجال يبغى من يثور اغبــــــــاره
الذل مايرضاه غير المساكين = وكسر المعزه مايفيده اجبــــــاره
شوف الغبينه ذل راس وعما عين = حياتكم هذي حيات الخســــــــاره
التعديل الأخير تم بواسطة عيد بن شدقان ; 31-10-2005 الساعة 11:48 PM
|
31-10-2005, 07:59 PM
العرض العادي
