تستاهلون يالعجمان ..قصيده مدح بالعجمان رد على مانع ابن شلحاط

[المجازف]

القى الشاعر الكبير مانع بن شلحاط العجمي

قصيدة في قبيلة اشهران العريضه ...

وقد مدح قبايل اشهران جميعها

وكان الشاعر قد دعي الى احياء حفلة في مدينه بيشه جنوب السعوديه

وقد رد عليه الشاعر الكبير\ عبدالرحمن بن بديع الواهبي الشهراني

يمدح قبايل العجمان .. جميعها بفرسانها وامرائها وفي مقدمتهم الفارس

ركان بن حثلين

يقول ابن شلحاط.... في اشهران

لعيون عايـض بآمـر اخشـوم الأقـلام=ترقـص لبـو عثمـان بأجمـل بيانـي
شاعـر قبيلـة و اتحـدث باسـم يـام=عجمـي و لا سولفـت مانيـب اثانـي
انقـا و لـي مبـدا و نظـرات قــدام=و اقـرب وسيلـة للقـلـوب الاذانــي
و الشعر ما هـو مرجلـه لكـن اقسـام=و اخذت قسمـي عـارف و ش مكانـي
و اهدي سلامي لا عترض ريح الانسـام=يفـوح ريـح الهـيـل و الزعفـرانـي
يكسب رضاكم و د و اعجـاب و اهيـام=و يـزف لرجـال الجنـوب التهـانـي
هنا محـل الطيـب و حضـوره احشـام=جمعا هـل الطـولات قاصـي و دانـي
و تحيـة ٍ تخضـع و فـا عبـر الايـام=تبقـى مـدى التاريـخ تحفـظ كيانـي
تكسب رضا شهران في شعـري اشمـام=زبـن الدريـك و مـرجـع ٍ للعـوانـي
ربع ٍ تسـرك لا غـدا الموقـف زحـام=و الكـل منهـم صـامـل ٍ مرحبـانـي
اهل الوفـا الوافيـن و رجـال الاقـدام=يـوم الـزمـان الفـايـت القلبـانـي
بطولـة ٍ يفخـر بهـا وجـه الاســلام=مـوت ابرهـه دون المقـام اليمـانـي
و ليا اعتزا ابن مشيط ثم وقـف و هـام=مـا قـال يـآل رشيـد قـال شهرانـي
صكوا عليه بشلـف ورمـاح و حسـام=وراع الذلـول بصـف راع الحصـانـي
و نادوا بناهس و ارتكا الحـظ ثـم قـام=و البيـض لإبـن فاهـده فـي البيانـي
و جاك الفويـه بشعلـة تضـرم ضـرام=يقـدع بنـي واهـب رجـال التفـانـي
و ان قربوا الرمثين من جمع الاخصـام=عز ٍ لابـن شكبـان مـا هـو يهانـي
و بنـي منبـه تـودع العايـل حـطـام=مـا يقلـط ابـن عميـر بالمشبهـانـي
و بالقرب فـي ساحـة الحـرب مقـدام=بـأولاد مفلـح مـا دخلـهـم جبـانـي
و ان جر ابن هشبل غشى الصبح الاظلام=و زعزع بجاد و موخـر اليـوم شانـي
و بني سلول احنوا على مشاري و صام=عـن الشـراب الينـه اروا السنـانـي
و جاك الصوع في كود ما سمـع لـوام=و افنـى الجمـوع و دك كـل المبانـي
و ابن رزيّم في ضنـى آل غمـر قـدام=اليـا تفهـق فـي الـلـزوم الهـدانـي
و ابن سنا مـا يمسـك الغـوج بلجـام=لا زعـزعـوا زلاّل فــك العـنـانـي
و رمح ٍ لاين شفلوت في الضـد ملحـام=يقدع بنـي سامـه فـي كـل المعانـي
و فزعة بني ماجور تركـز لهـا اعـلام=في ساحة ابن الذيـب مـا هـي تهانـي
و من لاذ بآل عجير ما هـوب منضـام=و سرحـان مـع حجـاج درع المحانـي
و من لا ذكرت اسمه له و شاح و و سام=و ارجـوه يغفـر لـي خطايـا لسانـي
ذا حد عرفي يـا هـل العـرف بسهـام=مـن دونكـم شعـري كسـول ٍ ووانـي
صفر المحازم لا طغـى الضـد ثـم زام=قضّايـة الــلازم مـقـر الحسـانـي
شهـران ماردكـم علـى الكايـد حيـام=و وقت الرخا فيكـم و صـوف الجنانـي
مـن حـد بيشـة للسـروات مــا دام=غيـر اسمكـم يـا معربيـن المجانـي
ربعـي و صحبانـي مطانيـخ و كـرام=الله يـآنــي فـيـكـم أزود يـانــي
و بيت لبـن سـرّار يبقـى لـه انغـام=ما للعمامـة مـع هـل الـروس ثانـي
هذا و تـم القـاف و انـا صـدى يـام=و في الختم لا سولفت مـا نيـب أثانـي