مساء الخير اعزائي
هذي قصيده للشاعره الاميره اخت الحكام 0 وهيا الاميره نوره الرشيد الله يرحمها ويسكنها الجنــه
كانت اميره مدلله وتعتزّ بأهلها الحكام اهل النسب المشرف والعميق وفي ظرف لليالي انهدم واقع الاميره نوره الرشيد واصبحا ذالك الواقع سراب يطرده الفكر المتشتت حتى اصبح لها اصعب من حلم
وهاضت بعد ذالك قريحة الاميره نوره بالحزن والمأساه اللتي حصلت لها كأميره آمره ناهيه واصبحت
حزينه مكسورة الجناح في قفر افكاره الموجعه
وقالت الشاعره الاميره هذي الابيات
بسم الله نبداء القصيده الموجعه
ابكي هلي اهل العلوم المليحة = ولالوم عيني لو جرى دمعها دم
اخواني ابكي والقصور الفليحة = خواني اللي لابغو لازم ٍ تم
ياما انتخوا باسمي ليا حل صيحة = اليا انتخو بي كافر الجن يسلم
اسمي كما نجم ضرب قاع بيحة = او الصواقع يوم للضلع ترجم
نورة انا اخت الشيوخ الفليحة = ابوي حاكم واخوتي صفوة الجم
ياحيف حايل فارقت ريح شيحة = بذيك الشفايا تقل ما قيلي سم
خانوهم اللي كاسبين الفضيحة = واهل الردا جعلهم في جهنم
لابد من صلف الهوى يزيل ريحة = ومثلي يذوقو لوعة الغبن والغم!
يالعبد عقب العز كبدي جريحة = حب الوطن يالعبد من عصر آدم
يلعبد هذي من حكايا الفضيحة = خل السهر لي وانت يالعبد قم نم
من اول ٍ نامر تجيب الذبيحة = واليوم ياعبد الندم صرت لي عم
فعلن قصيده تحطم المباني الشايده وتتصدع منها الجبال النايفه
رحم الله الاميره نوره واسكنها الله فسيح جناته
وربي صرت حزينه بسبة حزنها واهي لها فوق مئة سنه ميته
وارجوا ان تحوز على رضاكم هذي القصيده وقصتها
مواريد المنايا
20-08-2005, 03:50 PM
العرض الشجري