يا هداج بن تيما هات من يسرك وميسورك

[منصور بن منيخر]

يا هداج الملعبه عقبكم وشلونها=أنت خلك من وراها وأنا من دونها
العرب يقلونها والعجم يقلونها=الليالي مقبله والليالي مدبره

سلام علي كل الرجال ومحكمين الشور=يا هداج بن تيما هات من يسرك وميسورك
تري للبيت بابه يا عميلي وش تبي بالسور=يقولون العرب ما نشف ريقك غير حنجورك

[هداج تيما]

ملعبتنا مثل روض(ن)خضر ما به فقع=وأن هرجنا خل بعض الأوادم تستمع
من ورد حوض المنايا روي والا شبع=الليالي مقبلـه والليالـي مدبـره

هلا يا مرحبابك ما نقدّم لك من الميسور=لوّن المشكله ما جاتني يا كود من شورك
أنا من هم ليلي يا بن عمي خاطري مكسور=نخيتك يا بن عمي غير ما حركت مظهورك

[منصور بن منيخر]

عارف(ن)سوق الذهب وأعرف الصرافيه=والجواهر شيلها شيلها بالعافيه
المعرفه قالوا الناس للعرافيه=الليالـي مقبلـه والليالـي مـدبـره

صحيح الحر الأشقر ما يوصف له علي عصفور=وتري ما صاب نفسك غير من ظلمك ومن جورك
تصرّف وأفهم المعني ولا تهرج بدون أشعور=سرت ليلي مع مجنون ليلي وأنتهي دورك

[هداج تيما]

في بحر تسعين قامه نحوّل كل يوم=والبحر يبغي كما قيل سباح ويعوم
والله الله خالق الناس فرّاج الهموم=والليالـي مقبلـه والليـالـي مـدبـره

يحوم الحر الأشقر غير من فوقه عقب ونسور=أشوفك في بحر جدّه يبي يغرقّك بابورك
تري منتب علي بعض الحكي يا صاحبي مجبور=نسيّرها ونمشّيها علي عرفك ومقدورك

[مصلح]

جزززززاله
الله عليكم من ثنائي

واصلوا وانا متابع وذا المره اذا بيسمح لي بن سفران تراني في صف حبيب الروح هداج

[هداج تيما]

يا مرحبا ومسهلا
الله يحييك يا القرم بن القروم
خل منك سفران يسمح والا ما يسمح
يا مرحبا ملايين با الطيب تراك عندي غالي
منتب رخيص وانت ما تدري

[عـزام]

الله الله يا شعار


لا ما عليك منه يا مصلح خلك فى صف سفران


هذا مجرم وانا ضده لين يطيح الحيا ويسيل الله كل وادى

[هداج تيما]

الله يسامحك يا عزام تري الظلم شين
وخلك محايد والا علي شان انك خال السفران تفزع معه
ما يصير يا المراقب

[منصور بن منيخر]

قدم عينك قد بنينا البيوت الفاخره=غير هات اللي بعد من ورانا ذاخره
والبحر ترسي عليه السفن والباخره=والليالي مقبله والليالـي مدبـره

أنا والله لو قدمي جبال(ن)شاقه وبحور=أنا طب المعاني والمثايل مثل دكتورك
عطيتك شور يالطيّب وكل(ن)يا ولد مخبور=علي نهجي علي نهجك ودستوري ودستورك

[منصور بن منيخر]

مصلح مرحبا بك وعلي كيفك