## مدري نعزي دين الاسلام في سـام ولا نهني سام فـي كسـب جنـدي ##

[اطياف الماضي]

قصيدة رائعة اعجبتني للشاعر عبد الله الجعيثن

اتمنى ان تحوز على رضاكم

صدام راح ووش بقى بعـد صـدام=وصار العوض في امة العرب كردي
مدري نعزي دين الاسلام في سـام=ولا نهني سام فـي كسـب جنـدي
عزالله انه فلـم مـن جملـة افـلام=انتاج صهيوني ماهـو فلـم هنـدي
من ضربت اليابان لاحـرب فتنـام=والقرد مات وانجـب القـرد قـردي
ومن سرقت البترول في ذيك الاعوام=حنا طلبنا نـص عنـدك وعنـدي
جتنا طلايع جيشهـم تبنـي خيـام=واثر القواعد تنطبـخ طبـخ منـدي
عشان يضبط فلمهم هـدوا اصنـام=برجين هدوهن بتصويـر سـردي
عقبه صدر صك توشـح بالاختـام=ان احتلال ديـار الاسـلام يجـدي
صالوا على الافغان في حكم الاعدام=وبغداد راحت فـي سـلام وبـردي
واليوم عين الكلب تستلطف الشـام=وايران يصدر حولهـا كـم بنـدي
مكه عليها ركزوا حـرب الاعـلام=غزوا شبـاب المجتمـع بالتفنـدي
من كيمرة جوال للساقـط هشـام=واشهر بني علمان سيـف يحنـدي
وام الكباير للنساء صاغـوا احكـام=ان العبايه مـن عصـور العبنـدي
وان القيـاده للمـره مطلـب هـام=ثـوري عليهـم لاتؤليـن جهـدي
وش عاد باقي من حضارات الاسلام=دام الفتـن عـن روسنـا ماتهـدي
بالعلـم والقـرأن ماهـو بالاحـلام=وتوحيـد كلمتنـا يصيـر المـردي

اللهم من اراد بالمسلمين سوء فاجعل دائرة السوء تدور عليه

لكم اطيب تحية