اخواني الاعزاء
هذه قصيده اعجبتني واحببت ان
تشاركوني فيها
أنــا تعلّـمـت اصــد احـيــان واتـكـبّـر
.............لا صرت مع ناس يخذلهـا تواضعهـا
مـانـي بـلامــع ولانــي سـهـل اتكـسّـر
............. وان قلت كلمه .. أموت ولا أراجعها
أنـا مـن اصـل الغمـوض انـسـاب واتـحـدّر
.............. وان طاوعتني الليالـي ماأطاوعهـا
والـلـي هوتـنـي قـبـل ماجـرّبـت تسـهـر
............... ماني بمسؤول عن حسرة مدامعهـا
هــذي طبـاعـي وهــي تبغـانـي اتـغـيّـر
.............. وش ذنبي ان غيّرت لاجلي طبايعها؟!
هــي جمّعتـنـي وانـــا مـعـتـاد أتـنـثّـر
............... وان حاولت تنتثر مثلي...أجمّعهـا
تصـغـر وأكـبـر..واذا كبّـرتـهـا أصـغــر
.............. وان جا على بالها تقطفني.. ازرعها
وان غازلتـنـي بــدون احـســاس أتـبـخّـر
.............. تحسبني ان ضعت ..ماأقدر أضيّعها
متحـيّـره كـيـف احــب اظـمـا وأتصـحّـر
.............. مع انهـا باسطـه حولـي مرابعهـا
جتـنـي وحيـده..وانـا لاجـيــت أتجـمـهـر
.............. وتكون ماهي معي وآكون انا معهـا
تقول:احبك..تبـيـنـي أنـفـضـح واظــهــر
..............واقول : ويني ؟ .. وتتبعني واتابعهـا
ويـمـلّ مـنـهـا الوعد..تـشـتـاق واتـأخــر
............. ماباقـي الا علـي تسـأل شوراعهـا
وتـقـول : لاجـيـت انــا أبـغـاك تـتـعـذر
.............. واقول : انا جيـت لكـن ماأطالعهـا
وان عاتبـتـنـي وقـالــت أنـــت تتـجـبّـر
............... أصمت ولاكني اصلا كنت سامعهـا
وان هدّدتـنـي وقـالــت لـــي بتتـحـسّـر
............... دوّر على بنت تستحمـل مواجعهـا
أقـول : ياقلـب انــا مشـغـول لــو تـقـدر
.............. لاهنت رح يمّها شامـخ..و وادعهـا
هـي بـس لـو تفهـم انـي صـعـب أتفـسّـر
............... لا اكون والله خاتم فـي أصابعهـا
الشاعر الكبير : وبل الظما
19-03-2004, 09:08 AM
العرض الشجري