البارحه ما طرق النوم موقي .. وعزي لمن مثلي جفى النوم موقه

[alajmiali78]

السلام عليكم ورحمة الله وبركاته

الله يحييكم جميع هذي يا جماعه مشاركه الصراحه ما مرت علي بالمره قصيده بنفس القافيه هذي مع اني مغرم بشئ اسمه قصيد ويجذبني القصيد اللي قوافيه صعبه واحب اهديها لكم واتمنى انها تعجبكم وتحوز على رضاكم .
يقول :

البارحه ما طرق النوم موقي .. وعزي لمن مثلي جفى النوم موقه

حيث ان مالي في زماني وفوقي .. وكم واحد (ن) مثلي قليله وفوقه

توقفت حتى مجاري عروقي .. حتى ان دمي ناشف (ن) في عروقه

بشكي على منشي المخاييل فوقي .. الواحد اللي ما خبر حي فوقه

ما اشكي على خلقه ايباس الشدوقي .. هراجهم دايم تلاهث شدوقه

أخصهم ما اذم كل مخلوقي .. ولو البشر من طين قاع مخلوقه

وأدرا كلامي لا يجي فيه عوقي .. وأنزهه عن كل عيله وعوقه

واقطف من جزال البيوت العذوقي .. وتحرم عليه غير قطفة عذوقه

جت من هجوس (ن) صح من كيف سوقي .. وبحد عرفي ما خطى الفكر سوقه

ما أبوق عهد مخلصين الحقوقي .. وان زار طالب حق نوفي حقوقه

وصلاة ربي عد نور الشروقي .. وعداد ما بان الصباح بشروقه

على الرسول عداد لوح البروقي .. وعد السحاب اللي تلاعج بروقه

وسلامتكم واسمحولي على القصور واتمنى لكم اوقات سعيده ومفيده في منتداكم المتواضع .
مع تحياتي لكم اخوكم : علي العجمي.