أتعبني الترقيم من سوق في سوق ** كني موظف في حراسات الأسواق
لزقت فيها لزقت علوك باطوق ** حتى عرفني كل بايع وسواق
من شافني يقول تاجر ومرموق ** فاللبس أنا رسمي ورايق وذواق
وانا منتف فالحقيقة ومزنوق ** حظي مجنب بي عن دروب الأرزاق
عقلي من الخفرات لاذع ومحروق ** من يفتحون السوق وانا على ساق
ألحق بنات الناس هايم ومطفوق ** مخباي مليانه من أركان الاوراق
شبّكت هند وريم والثالثه شوق ** والرابعه والخامسة وعد واشواق
دايم وجوالي على الآذن ملصوق ** محبوبتي ما تحتمل بعد وفراق
تقول"ثامر"وإسمي الصدق"مرزوق" ** لا يا بعد ثامر ومرزوق وإسحاق
العب عليها لعب عاشق بمعشوق ** وأبني براس الحلوه جسور وانفاق
هذي سلوم اهل الهوى كلها بوق ** اكثر ضحايا الناس فالوقت عشاق
الشاعر : خالد الذيابي
26-12-2004, 03:41 AM
العرض العادي
