الناس نامو ونا سهران
اراقب الصبح وش دونه
كني عن النوم لي ديان
بليل يالي تنامونه
لو نعمل الكيف بديوان
مافيه ناس [ن] يرودونه
ناس تزاحم على الدكان
كلن ملى الجيب من شونه
لو نفتح الباب للجيران
ببيوتها تقل مسجونه
والبر دوره زمانن كان
شيبان وموات مدفونه
وسئل خلف يالبطل ضيدان
وش سبب السهر لعيونه
يامعدن الطيب يكحيلان
قلته وغيري يقولونه
اسلم وسلم على سلطان
ومحمد الذيب وش لونه
وابن بديع بلا حقران
كلفت ربعن يمرونه
يشكيلكم من زمانه شان
بيا طريق [ ن ] تعزونه
صرافت النقد يا الشجعان
يبقى لها سنين مرهونه
وهل الكرم بلزوم اخوان
لو ياجب الموت يردونه
ونا ادري ان الوطن مليان
من عالم الطيب وفنونه
ونا ادري ان الكريم احيان
مايكفي البيت مليونه
تمت ونطلب عظيم الشان
يكتب لنا الخير بحتونه
الشاعر / خلف دحل الميهوبي البلوي
09-11-2013, 12:33 PM
العرض الشجري