لكن ترى ماقال راكان مخبور

[سمو الامير]

قصيده للشاعر/ مطلق النومسي العنزي
رد على واحد يقول أن عنزة مالهم أصل معروف يقول انهم هكره
وعسى ان تنال اعجابكم

الصمت في بعض المواقيف منكور= والحكي في نفس المواقيف خيره

ماللصبر داعي لياوصلت الزور = كف البليد اللي مضيع مسيره

اللي على الصحبة معه كنت مجبور= زميل درس وقبلها حق جيره

من جانبي صحبه بها العز مذكور = ومن جانبه صحبت مصالح حقيره

كملي وأنا اطوفله سنين وشهور = وأقول أخيره بس وين الأخيره

وإن كبر الزلة علي قلت معذور = صاحب ويمزح والكبيرة صغيره

ايلين خلى الدم في قلبي يفور = الهافي اللي مهفي الله ضميره

دستور ياعصر الحضارات دستور= انشهد أنك ملت ميله كبيره

خليت واحد مثله النذل منصور = يجرا على قول العلوم الخطيره

يقولي هكري ومن هكرت الزور = ولا لنا بين العرب أي سيره

هكري بعينك لعنبو العين يالثور = ياثور حنا اللي حكمنا الجزيره

من العراق لين عرعر وأبا القور = للطريف لبلاد الشريف الشريره

للشام وللبنان واستكمل الدور = للنجد لديار الكويت وقصيــــــره

حكام من حكام والسيف مشهور= من دم جدانك أنخضب جفيــره

عيال وايل عز من بات مقهور = يصبح بعزٍمايبي عز غيــره

لنا على دار الفخر عرش وقصور = وأنشد وتلقى العلم في كل ديره

شجعان خلقه والشجاعه لنا سور = والشاهد الله والسيوف الشطيره

صقور صيد وصيدنا كله صقور = يازين صيدات الصقور المغيره

ورضيعنا يسوى ثمانين طابور = من مثل جنسك يامخاشر منيره

من مثلنا ياناقص العقل والشور = حتى الذي مثلك يزود صفيره

هذا وأنا ماقول بالعالم قصور = الطيبه في كل قوم وعشيره

مير أنت ناقص وابن ناقص ومحقور= وأخف عندي من قشور الشعيره

لكن ترى ماقال راكان مخبور= الهرج يكفي صامله عن كثيره

ياثور ياأبن الثور ياربايت الثور= أترك أبن وايــــل ورح للحضــيره

الله يعزكم

[العــرجاني]

سمو الامير صح لسانك ولسان النومسي
أنا اشهد ان رده جامد ونعم والله بعنزة
وباقي القبايل


العـــرجاااااااني

[سمو الامير]

اررررحب يالعرجاني

وصح بدنك وعنزه مافيهم حكي

والله لا يهينك على المرور والتعليق

[تايه الغربه]

لا هنت يا سمو الاميـــــــــــــــــــــــــــر

وصح السان الشاعر مطلق العنزي

[ابوحمد الشامري]

لا هنت ياكحيلان على القصيدة الرائعة صح لسانك ونعم في عوال وايل.

[سمو الامير]

اررررحب ياتايه

ولا انت ويعطيك الف عافيه على المرور

[سمو الامير]

ارررررحب يابو حمد

ولا انت ويعطيك العافيه على المرور الجميل

[عيد بن شدقان]

والنعم والله بعوال وايل

واشهد انه رد عليه

سمو الامير
لاهنت يالقرم
وصح السانك والسان النومس


وتحيات
ذياب

[ajmi2000]

صح لسانك

وعنزة مافي اصلهم شكة

تحياتي

[قبلةالعجمان]

اللي على الصحبة معه كنت مجبور^^زميـل درس وقبلهـا حـق جيـره

من جانبي صحبه بها العز مذكـور^^ومن جانبه صحبت مصالح حقيـره

كملي وأنا اطوفله سنيـن وشهـور^^وأقول أخيره بـس ويـن الأخيـره

وإن كبر الزلة علي قلـت معـذور^^صاحب ويمزح والكبيـرة صغيـره

ايلين خلى الدم فـي قلبـي يفـور^^الهافي اللـي مهفـي الله ضميـره






صح لسااانك ولسااانه ...

ولاهنت على حسن الاختيار يا سمو الاميـــــــــر