السلااام عليكم ورحمة الله وبركااته
الشاعر بخيتان ال مطلق اليامي شاعر بعيد شبه كلي عن الاضواء سواء صحافه او تلفزيون او إذاعه شاعر بداء كتابة الشعر خلال المرحله المتوسطه تقريبا وتاثر بالشعراء اللي من حوله وخاصه ولد العم الشاعر الكبير مهدي بن مسفر ال مطلق وهو كذلك بعيد عن النشر وقد تاثر الشاعر ابو فارس بكبار الشعراء المميزين وخاصه منهم الامير راكان بن حثلين الله يرحمه وايضاً الشاعر الامير محمد السديري ومن الشعراء حالياً الشاعر الامير خالد الفيصل .
ومن القصائد التي كان يرددها الشاعر بخيتان اليامي قصيدة للامير راكان بن حثلين الله يرحمه:
حمزة مشينـا مـن ديـار المحبيـن
الله يرجعـنـا عليـهـم سلـومـي
وايضاً قصيدة الامير محمد السديري الله يرحمه:
يقول من عدى على راس عالي
رجم طويل يدهله كل قرناس
وايضاً قصيدة الامير دايم السيف
ياليل خبرني عن امر المعاناة
هي من صميم الذات او اجنبيه
وهذه القصيده هي من اقدم القصائد لبو فارس وهي كانت موجهه لابن العم الشاعر مهدي بن مسفر ال مطلق لاخذ رايه في القصيده:
سلام واثني في سلامي بتكرار
اعداد سيل سال وانشا سحابه
لك يابن عمي عزوتي يالفتى البار
ياللي علومك طيبه بالقرابه
مكرم لضيفانه ولاهو بعيار
من دونهم يانس ماصك بابه
حيثك فطين بالمعاني والاخبار
وعندك كثير الحل وتعرف جوابه
ابغاك عون اللي عليه الزمن جار
تفزع لمن هو طاح وضيع صوابه
اضحك واجامل ساير الناس صبار
ولاحد درى في شاب صوب شبابه
غرو نهب قلبي وسارع بالاسفار
هاجر وخلى صاحبك في عذابه
ومن الفراق اصبحت كاني على نار
يلعب بي الهوجاس مثل الضبابه
شكيت لك حيثك من الربع الاخيار
رجل شجاع مثل ذيب الذيابه
الى اخر القصيده
وكان رد الشاعر مهدي بن مسفر :
يامرحبا باللي نظم زين الاشعار
اعداد ماخط القلم في كتابه
رسالتك وصلت ولاني بمحتار
مردودها جاهز وحاسب حسابه
المدح لاهل المدح علم وتذكار
ولا الردي لامدح مافيه ثابه
العلم نور والجهل ضد الانوار
ومن لا تعلم عض امينه بنابه
ولعنبو مظيوم تحت روس الاخطار
بساعده واوقف معه في عذابه
الى اخر القصيده
وكانت اول قصيده له تم نشرها عن طريق مجلة اليقظه وتم نشر القصيده عن طريق احد زملاء الشاعر بخيتان اليامي ولا كان عنده خبر عنها والحمد لله كان للقصيده اثر اكثر من رائع وجميل عند كثير من الزملاء والاصدقاء وكان مطلع القصيده :
حرام دمع العين يجرح خدودك
وحرام أشوف العين دايم حزينه
وهذه قصيده رثاء في مسعد المريخي الله يرحمه "رئيس قطاع الاتصالات في ارامكو في راس تنوره وكان المسؤال عن ابو فارس في العمل وكان لوفاته اثر كبير لدى جميع الموظفين لما عرف عنه من حسن الخلق
في عام رابع من بعد عام الفين
سبعه اثنين ياحمد كيف بنساه
يوم تشتت فيه شمل المحبين
لاعاده الله والسبب من فقدناه
رجل رقى للمجد جاب النياشين
مرحوم يامن تفعل الطيب يمناه
قرم شجاع من سلالة سلاطين
مطران بالتاريخ قوم لها جاه
يافزعة المظلوم يانصرة الدين
يامسعد الوقفات لامن نخيناه
الى اخر القصيده
وله من القصائد الجميله قصيدة الوداع
ياعزوتي قرب السفر والوعد حان
ساعة رحيلي قربت وعذابي
ودعتك اللي خالق كل ماكان
يحفظك رب الكون لحظة غيابي
انا اشهد اني بسهر الليل ولهان
حكم الظروف وطرد خلف السرابي
لاشك احبك ياحياتي ولك شان
ولاجلك بقاوم كل جرح لجابي
حبك بقلبي والسكن تحت الاجفان
تشهد له الصحراء وخضر الروابي
وتشهد بيوت الشعر في كل الاحيان
اقولها في عزوتي لا اعتزابي
رد وتبسم دمعته بين الاوجان
خايف من الوحده وهم اغترابي
سافر لك اله مادخل قلبي انسان
غيرك ولا اقبل غير زهرة شبابي
وله ايضاً قصيده ثانيه "الابواب المغلقه"
ياشينها لا قفلت كل الابواب
في وجه رجال ويدور بصيره
عل وعسى وشلون من ضمن الاسباب
وضع يفجر داخل الجوف حيره
ان جاء يدور حل من يم الاقراب
فكر بمنة من يبي يستشيره
اقراب لاحتاجوا وان احتاج اغراب
بلواه من وجهة نظرهم صغيره
منهم ضعيف النفس مايحسب احساب
همه يعيش وبس من جهد غيره
وان جاء يقول الحل في بيت الاصحاب
ناسي مفارق ليل حدد مصيره
في ظنه النسيان يشفع لمن غاب
للي ترك خله وسافر لديره
هزه شعور ان كان خله معه تاب
ولا بقى ما بين شك وغيره
وفحاه يحس القلب يرجف ومنصاب
وخيب حبيبه عاشق يستجيره
وفي وقتها الشمات يضحك بالانياب
ويقول ما قد قلت لك تستخيره؟
لو هو درى انه ساكن تحت الاهداب
وان العيون ان راح تصبح جهيره
وانه بحكم القلب ويشد الاعصاب
وطعم الحياة تكون دونه مريره
وان الثواني اسنين في سلم الاحباب
وش عاد لو فارق عشير عشيره
مالام من جرحه له اعوام ماطاب
ولا نصح تايه همومه كثيره
لا شك ما جرب ولا شاف الاتعاب
مايدري ان العشق تاره سعيره؟
وان الزمن ظالم تحدى ولا هاب
ومن عانده وقته حلوه عسيره
هني من يلقى مفاتيح الابواب
حتى ولو باب وخلفه بصيره
وفي الختام اتمنى ان تكون هذه المشاركه تليق بالشاعر بخيتان اليامي واعتذر منه ان كان فيه قصور او اخطاء واشكره على صبره على اسئلتي وطولة باله وسعة صدره واتمنى له كل التوفيق.
وان شاء الله تحوز المشاركه على جزء بسيط من رضاكم واستحسانكم
كـووول
العرض الشجري