قصـيده في حال البنات اليوم

ابو محمد · #1 11-12-2004, 01:32 PM

قصيدة بنات اليوم

هذا بنات اليوم برقع وجـوال
ولاعباية كتف هم يلبسوها
والراس فوق الراس طرحه مع الشال
حتى الخصال الطيبة افقدوها
يوم البنات اللي غدٍ سبت اهمال
ويوم السبايب اهلها هملوها
الأم نامت والابـو صار تمثال
والبنت راحت وين ما يسألوها
بالليل تسهر بين هاتف وجوال
والا على دش الفلس سهروها
اقفاي هي ما بين الاسواق واقبال
بلا غرض راحت ولا انشدوها
اللبس تلبس كل ما يطرب البال
وفلوس لو تنقص عليها عطوها
من شافها باللبس يا ساتر الحال
يسبها ويسـب من خـلفوها
كومة لحم وعيون والرمش قتال
ويلا مشت كل الشباب اتبعوها
هم ما دروا لون البراقع بتنشال
ونشوف وش تحت البراقع خفوها
يرتاح من صابه من اسبابها هبال
ويشـوف والله من عيونه هووها
وين البنات اللي بهم تضرب امثال
ليت السلـوم الطيبة ما تركوها
البنت زين البنت لا زانت الحال
ما هو بلبس ولا علـوم خذوها
وين المراجل ما بقى غيره ارجال
ليت الشوارب واللحى حلقوها
اللي على عاره رضي الذل ينقال
ليت الكــرامة ليتهم يرفعوها
ما عاد ينفع قول فيها ولا قال
لا الأم والله ولا الأبـو انفعوها
اصبح ضياع البنت بسباب جوال

البنت ضاعت والأهل ضيعوها