قصيدة العتيبي في بن الذيب ,,

[لطام الروقي]

ابيات وصلتني عن طريق الواتساب ,,
وبمآ انها تحاكي احساسي و احساس كل رجآآل عنده كرامه ,,
حبيت انزلها في محلها وعند أهلها ,,




وتكون اول مشاركه لي بين اخواني ,,


البارحه سهران مع صاحبي وجد
في مجلس اللي كلمته ما ثناها

مورد الهياب لا ضدهم ضد
لا زادت مزون السماء في جفاها

دارت سوالفنا من المزح للجد
والجد يبقى ف السنين وغثاها

ياوجد قلبي وجد ذيبٍ توجد
على سنينٍ ماضيه مانساها

يقنب فخر كرامته مالها حد
يقنب قنيب اللي ربآه وغذاها

يامحمد بن الذيب نبدا بك العد
ماقول نبدا بك وجودك بداها

ياسايق الفنجال من عالية نجد
عده لمن رد الطروش بعصاها

عده على بن الذيب لا قبله يمد
من دلةٍ ب المال محدٍ قناها

وليا شرب فنجالها شامخ الجد
ولاآ اخذ فنجالها ثم كفاها

رد السلام وقل ماهم لك ب ند
ماهم بكفو لك وهم في ذراها

ان كانهم شافو سماها بلا حد
انا اشوف اللي برجله وطاها

حتيش لو الوقت جاير ويجحد
وتعكرت دنياك وعكر صفاها

وحتيش لو تسجن وتحكم مؤبد
اللي مثل شرواك تكرم لحااها

مال القمر تاثير بالجزر والمد
دام النعامه حايمه في سماها

ودام الحقيقة كل شيٍ وله حد
هذي سنينٍ أقبلت وبقفاها

وسلامتكم ..


على حسب معلومات المرسل ,, الابيات للقبوري ..