صاحب كلمه [ آما نكون ولا عسانا بالسجون ]
هو مواطن محب لبلده " بدر حمود الديحاني " عند آعتقاله
فاضت قريحه الكثيرين من محبينه وآليكم ..
يقول / مشعل خليفه البوقان
موقفك يابن عماش به نرفع الراس
يامن رقيت اليوم روس الشواهيق
يابدر زدت مطير عزه ونوماس
على النقا ماخذيتها بالتلافيق
برزت يوم الوضع خطرن وحساس
تشهد صباح الناصر بكل توثيق
لاباس يالزحزيح يالقرم لاباس
غلاك ثابت يابدر بالمعاليق
وقال الشاعر سرور سند
عفوا اذا تسمح ياتاريخ
بدر عماش سجل
شيخن ولد شيخن ولد شيخ
ان قال طال أن قام يفعل
وكذالك قال
يابدر لو أنك ورا السجن عادي
لو تكسر ايدينك وتكسر رجولك
ماهو انا وحدي وحتى بلادي
صرنا نفاخر في شجاعه فعولك
وقال خالد محمد الديحاني
بدر حمود عماش ابن الدياحين
طنخه سطر فزعه اذا بشرح اسمك
ولو يزعلون الناس من حين لي حين
انت الشجاع الي الكرامه بـ دمك
وهنا قال " خالد البراك الهاملي "
السجن مانقص بقدر الرياجيل
سجنك كرامه وراسك اليوم عالي
يابدر يابن عماش يابن المشاكيل
حرن مضرا لعاليات الجبالي
وقال شاعر اخر
احزن انا لاشفت بعض الرياجيل
يسجن بدون اسباب لجل الكرامه
عزالله انك يابدر فارس الجيل
فعلك شرف للمرجله والشهامه
وهنا بيت لـ الشاعر ماجد الغضوري
هامتك دايم عاليه يابن عماش
فعلك تنومس فيه كل الدياحين
وقال خالد بن خويتم
لو تكسرون العظم دقه وجله
ولو تقمعون الناس قمعِِ سلبي
مع احترامي لـ التكتل كله
يبقى بدر رمز الحراك الشعبي
وهنا عبدالله المطيري قال عندما حولوا
بدر إلى النيابه
ياناس ياللي للنيابه مشيتو
قولو لبوعماش بالجهر والسر
يكتب على جدران سجنه هبيتو
حرن ولد حرن وجدي بعد حر
وهنا قالت الجوري العتيبي
تويتر من دون بدر مايسوى
حسبي عليهم ليش يحجزونه
عسى من لفقها بالنار يكوى
وفاللحد باقرب وقت يحطونه
وقال سعود العجمي
يالحر يالقرناس في هيئه انسان
من هيبتك شلوك من غير تهمه
كوبان يامن تعتقل بدر كوبان
انشهدانك ضفعتن دون خمه
وهنا ناصر الصعيري قال
خل راسك مرتفع كلك فخر
ما شكت دارن له مثلك ولد
دمت للديارك سندها والذخر
فعل مثلك يابدر نومس بلد
وقال مشاري الغنيم بيت
مابه قبيله تفتخر ب سجنه الناس
وحنا قبيله تفتخر بشخص مسجون
وهنا قال شاعر اخر
سجنك شرف وافراجك اكبر غنيمه
وباب الفخر في حق الاحرار مفتوح
انت الفخر راعي الايادي الكريمه
ماهمنا غيرك ليا قيل مسموح
وقال ناصر عوض الغضوري
كلنا نهتف باسمك يابدر
دايم اسمك بيننا لوك سجين
خابرك من ناس عالين القدر
من رجالِ باللوازم حاضرين
ربعك اللي منزلتهم بالصدر
بالصفوف الاوله متقدمين
جمعهم كالموج لامنه هدر
باذن رب البيت دايم غالبين
الفخر بالفعل ياحرن ندر
زاهيا بالطيب ياذرب اليمين
واطلب الله ينجلي كل الكدر
واعرف ان الله هو خير معين
وكان جند الشر فاجوك بغدر
انت بالعليا وهم الخايبين
وهنا فتاة من سكان صباح الناصر
قالت هاذي الابيات معبره عن ما حدث
بعد خروج بدر من السجن
ياشجاع بوقته ظهر
عارف الفعل في وقته يبين
الشجاعه ماتعرف بدو وحضر
ماتقدر لاندفع عمر ثمين
وافتخر وكل مثلي يفتخر
عزوتي مطير عالين الجبين
ماتهاب الموت في وقت الخطر
تطلع المحجوز يومنه سجين
واحمد الله يوم سلم بدر
تفخر الاشعار في مدحه وتزين
تحياتي
08-12-2012, 07:50 AM
..~
العرض العادي
