جديد : محمد ابن الذيب
ياراسي لو انك مالحمياء وطيبگ شُشت
ويادمعي لو انگ طحت لكن مطيح حصان
وياصدري تركد ما التناهيد فيگ بلشت
بزينگ بزينگ .. وازبن بها علي الشيخان
تعنز علي اللي فا الموقف ذرا لو طشت
ولد من خذوها بالسلال وحدب شومان
لو خريم ابو ساق يتحزم ويلبس بشت
وياقف مثل ماياقف طويق والا العان
ويزهم قبايل يام بالصوت كان دهشت
توقف قبل يام العريضه .. معه همدان
تشوف العزاوي والنخاوي وكنگ نشت
نخيل الحساء حتى لو انگ ورى نجران
يابوفيصل كبار المواقف لها ماعشت
ياريف الهقاوي لاغدت في ذرا وكنان
محمد ولد راشد بن الذيب لو عطشت
يقطع عروقه لين يروى بها الضميان
هبيل وشجاع وفيه كل الصفات وحشت
دبل مايحوشه وانت عادگ وسيع بطان
نخيت وزهمتگ واعرفگ ياجمل لو هشت
تنجي الدخيل اللي توزاگ وانت معان
على راس ابو نابين واقف ولو هرشت
اوقف ولا يشمت علي طارف الرعيان
مدام المحازم والجنابي تشوش ان ششت
ومدام ان بني عمي وربعي ذراء نجران
ياراسي تركد واحتزم بي وكانگ عشت
كسيتگ عمامه وانت تستاهل التيجان
02-10-2012, 07:10 PM
ابن الذيب
العرض الشجري