يمه انا ذقت الحزن والفجيعه=وكل المصايب والمأسي والاوجاع
حملت قلبي حمل ما يستطيعه=في غيبتك تغيرت كل الاوضاع
القلب يبكي والليالي سريعه=معذور ياقلبن من الحزن ملتاع
يامن يودي علم ولا يذيعه=ويقول يادرب الحزن وين الاسناع
ياموت ماخليت سنه وشيعه=خذيت بذراعك من الشبر للباع
يعني هزيعه ماوراها هزيعه=ماتت عفيفه بالوصايف و الاطباع
لله تسجد له خشوع وتطيعه=في قلبها للناس مشتى ومرباع
اهات وهمومن وجروحن شنيعه=عبرات مكبوته لها اشكال وانواع
ماعاشت بحيلات ولا خديعه=ماقلبها الصادق حقودن وطماع
فوق الجبال الشامخات الرفيعه=نظراتها للعطف شرهات ووساع
اسمك وذكرك دايمن في الطليعه=على الضعيف رواق وحجاب وشراع
مامن رجاء في الصبح ولا تبيعه=في غيبتك زاد الالم بين الاضلاع
يمه ودرب الحزن ما سد ريعه=اون لا صاروا هل البيت هجاع
مشريك غلاك ومقدر اني ابيعه=حبك رسخ فالقلب انصاف وارباع
يومن علي كنه نهار الوديعه=يومن حزين ولابس الحزن بقناع
اعدي كما تعدي السباع المجيعه=واهرف هريف الذيب لاشاف نجاع
فجيعتي ياكبرها من فجيعه=يدري مجرب واغلب الخلق قطاع
دمعن وقف عيا يمال القطيعه=مغرورقن ليته يحول على القاع
مصدوم مادونه حصونن منيعه=لا الرمش يشفع له ولا القلب فزاع
امين في جنات خضرن بديعه=امين ياللي له هل الدين خضاع
مرسل نبيه للخلايق شفيعه=للرزق يامر به وللصوت سماع
فردن صمد منزل كتاب الشريعه=سبحانه المعبود هو خير مناع
ناصر بن كروز بن ناصر بن سرحان ال منيخر
العرض الشجري