بكيت ويكفي إني ما بكيت إلا على شانه

[الذآهبه]

سلام الله على خلٍ حفظت إسمه وعنوانه


عرفته من ثمان سنين والخافق عليه يتوم

ولا والله نسيته كون , ينسى الطيب إخوانه


أحبّه وإن طلبني من غلاه أسوق نفسي سوق

وهو لا من طلبته قال , عآن الّي تبي عانه


تجمّعنا على العشق العفيف وصادق المنطوق

وتوادعنا على خشية جليل الملك سبحانه


يقولون الرجال إلّي لهم عند الرجال حقوق

ترى الرجّال تعرف قيمته من منطق لسانه


وأنا والله عزيز وماشكيت همومي لمخلوق

ولا والله رضيت العشره إلّي مالها خانه


حفظت العشق يوم إنّه خليّ من الغدر والبوق

وتركته يوم قدره طاح بين فلان وفلانه


فلو إن الدمع من عيني ماينزل تحت يطلع فوق

بكيت ويكفي إنّي ما بكيت إلا على شانه

.. بكيت ويكفي إني ما بكيت إلا على شانه ..