|
قصة وقصيدة لشاعر العجمان الكبير عبلان آل مصرا((من يستاهل القهوه؟!!))
السلام عليكم ورحمة الله وبركاته:
الشاعر والفارس عبلان بن سعد آل مصرا ((رحمه الله)) غني عن التعريف وهو أحد اشهر شعراء العجمان المشهورين الذين خلدوا مواقف وانتصارات العجمان بأشعارهم الجميلة.
سيّر ( زار ) عبلان على جماعته في وسط النهار فوجدهم يلعبون (السبر) وهى لعبه مشهورة عند البادية ولا يوجد قهوة حاضرة ليشرب منها . فقالوا له اعمل لك قهوة فنحن مشغولين في هذه اللحظة . فقال : سوف اعمل القهوة واعمل قصيده أبين بها الذين يستحقون القهوة . فقالوا أعمل ما تشاء . فقال هذه القصيدة
أوي والله كيفه يا مطاليق=ما هى بكيفة لا عبين السباره
كيفة أدلال بالوصايف غرانيق=بيض تقلط صوب ضو المناره
ومحماسة يحرق بها البن تحريق=وتحمس وتفهق عاد فيها صفاره
فنجالها يأتي طري ليا ذيق=من الخوي يبري من الراس داره
لا صب بالفنجال ما به سواريق=مونة نظيف زايد في بهاره
ويصب للفرسان خيالة الضيق=نطاحة الفرسان في كل غاره
ويصب للي فرق المال تفريق=ما هو يحسب ربحها والخساره
ويصب للي يحتمون المشافيق=لا جاء نهاره فيه يشبك غباره
ويا الله أنا طالبك حظ وتوفيق=والحظ ما هو للفتي باختياره
طالبك قبا من طوال السماحيق=اصيله من طامرات الجواره
مليحة الذرعان مبرية السيق=مرتفع منها اللحم بلفقاره
تبري لذود ما تلوه الملاحيق=ولا ردها الشاوي تباري جفاره
ونرعى بها من قفرات الزماليق=لا عود الخناس يبغى دياره
في ضف مرذين الحفيف المرازيق=كم حفيف قد مشوا في دماره
يمسي ويصبح ما ركد له معاليق=مثل اجرب حس المداوي اذعاره
هل سربة ما هى تهاب التفافيق=عاداتا ما ضريت بالنياره
يتلون ((اخو لجعه)) زبون المشافيق=ويفداه شيخ حط روحه تجاره
((حزام بن مانع)) ليا نشف الريق=لا جاء نهار المعركه ذاك كاره(1)
لا جاء نهار فيه صفق وتصفيق=لا من شوبا الحرب شبت اشعاره
والمنجي الله معتني بالمخاليق=يكسر ويجبر من نوى له اجباره
وختمانها بنطبق الهرج تطبيق=وماقل دل وزبدة الهرج شاره
(1)حزام بن مانع: الشيخ حزام بن مانع بن حثلين أمير العجمان (رحمه الله)
وتقبلوا تحياتي،،،
الــعمــاني
__________________
التعديل الأخير تم بواسطة العماني ; 23-11-2004 الساعة 10:28 PM
|
23-11-2004, 10:27 PM
العرض العادي
