اصعب سؤال

القرم 8 · #1 18-12-2011, 10:45 PM

اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت]

خالد بن نفل · #2 18-12-2011, 10:50 PM

صح لسانك ولسان شاعرها
ولاهنت ع النقل

الهنــــــــــوف · #3 18-12-2011, 11:07 PM

خــــيال ...

كلمات جميلة تلامس الوجدان
الف شكر لروعة طرحك
تقبل مروري المتواضع

القرم 8 · #4 18-12-2011, 11:08 PM

اقتباس:

المشاركة الأصلية كتبت بواسطة خالد بن نفل

صح لسانك ولسان شاعرها
ولاهنت ع النقل

الاميــــــــــر خالد بن نفل
صــــــــــح الله بدنك ولا تعبت ع المرور يا الغالي و المشاركة
وما قصرت وبيض الله وجهك وتسلم ولا عدمناك .

القرم 8 · #5 18-12-2011, 11:11 PM

اقتباس:

المشاركة الأصلية كتبت بواسطة الهنــــــــــوف

خــــيال ...

كلمات جميلة تلامس الوجدان
الف شكر لروعة طرحك
تقبل مروري المتواضع

الاميـــــــره الهنـــــــــــــــوف
روعتيني الله يهداك ما يمديني اخلص من الامير خالد بن نفل
إلا انتي في وجهي .. وربي خفت
الاروووع تواجدك يا صاحبة الســمو في متصفحي وتسلمين يا الغاليه
والشكر موصول لحضرة سموك وتسلمين ولا خلا ولا عدم منك .

ادمنتكـ · #6 19-12-2011, 03:58 PM

صح لسانگ ولسان شاعرها
ولاهنت ع النقل
دائماً مبدع

القرم 8 · #7 19-12-2011, 10:40 PM

اقتباس:

المشاركة الأصلية كتبت بواسطة ادمنتكـ

صح لسانگ ولسان شاعرها
ولاهنت ع النقل
دائماً مبدع

الأميــره ادمنتكـــ

صــح الله بدنكــ يا الغاليه و لا هنتي ع التواجد و المشاركه يا الرائعه
شكراً من الأعماق لمتابعتك مواضيعي ولا عدمناكــي و تسلمين .

الـعـابـر · #8 19-12-2011, 11:25 PM

صح لسانك ولسان شاعرها

القرم 8 · #9 19-12-2011, 11:55 PM

اقتباس:

المشاركة الأصلية كتبت بواسطة الـعـابـر

صح لسانك ولسان شاعرها

الاميــــــــــــــر الـعـابر

صـــــــــح الله بدنك ولا هنت ولا تعبت ع المرور و المشاركة ولا عدمناك و تسلم يا الغالي .