شاقني

[راعي العشوه]

بسم الله الرحمن الرحيم

أخواني أعضاء وزوار منتدى العجمان الكرام
أضع اليوم بين يديكم قصيده
لشاعر عجمي من آل حبيش لكني لا اعرف اسمه
ومن يعرفه يزودنا به
بأختصار هي قصيده رائعه كتبها
يمدح بها القبيله ويثني عليها
وكثيرا ما تتردد في الاعراس ومناسبات العجمان
واتمنى ان تحوز على رضاكم

شاقني نوض براقٍ عرض بالمخيلة=شاقني نوض براقة وهيضت مابي
ليت برقٍ سرى يبرق جنوب النخيلة=يسقي الدار من همال وبل السحابي
لاح برقه على من يحتمون الدبيلة=لاح برقه على العجمان نسل الذيابي
لابتي لابتي مثل الدروع الثقيلة=عزها للرفيق وللمعادي ذهابي
لابتي لاغشى الدخان راس الفتيلة=راسيه مثل مايرسي عظيم الهضابي
من تحايل علينا ما نجيله بحيلة=عادت الذيب يقنب فوق روس النوابي
يشبع الطير منا والسباع الهزيلة=من نوانا بشرٍ ماسعى فيه خابي
انشد الوقت عنا والدهور المحيلة=وانشد اللي سببنا شاب وقت الشبابي
وانشد الخيل عنا والسيوف الصقيلة=وانشد اللي حثينا وسط عينه ترابي
وانشد اللي خذا بالثار مادار ليلة=العهد في ظلام الليل حذف الثيابي
المليــك المسمى يوم فارق خليلة=سجتن منه والا وقع ضرب الجنابي
والنهاية صلاتي عد ما سال سيلة=من نبي شفيع الخلق يوم الحسابي

شاكر لكم حسن القراءه

لكم تحياتي وإحتراماتي
أخوكـــــــــــــــــــــم


راعي العشوة

[فهدالعجمي]

لاهنت ياراعي العشوة على سوالفك وقصايدك
الي
كلها طيبه..

وشاعر القصيده هو
سعود بن بتال المهذاب ال حبيش

اخووك: فهد العجمي

[cool]

السلاااام عليكم ورحمة الله وبركااااته


لابتي لابتي مثل الدروع الثقيلة
عزها للرفيق وللمعادي ذهابي

لابتي لاغشى الدخان راس الفتيلة
راسيه مثل مايرسي عظيم الهضابي

صح لسااانك راااعي العشوووة وصح لساااان شااااااعرها وتسلم على اختيااارك

ونقلك الرااائع .

مشكوور فهد العجمي على تووضيح اااسم قااايلهااا ولا هنت .


كـووول

[راعي العشوه]

ومن يقول طال عمرك
ولاهنت اخوي
فهد العجمي
على مرورك الكريم
ومعلومتك الطيبه
ونعم فيك وفيه
ولاهنت مره اخرى


اخي الفاضل
Cool
قريت الشعر وتذوقته
ونقيت منه احلى ابياته

اشكر لك مرورك الكريم
وكلامك الطيب
ولاهنت يا ابن عمي

لكم تحياتي وإحتراماتي
أخوكـــــــــــــــــــــم


راعي العشوة