زياده رواتب دوله الامارات للمواطنين 100%

[علي الرطام]

بعد زياده رواتب دوله الامارات
للمواطنين 100%

ياليتني بدبي ولا من العين...

وابوي جمعه ومسميني خليفه..

ماشفتني ياسعود ميت من الدين..

لاحافز يجيني ولا لي وظيفه..

ماشفت من داري الاكل شين..

خيرنا واجدوحالتنا كسيفه..

من الفقر نتسوق من بو ريالين..

والبطن ادمن على فوله ورغيفه..

ومن الفقر ماعاد جبنا وراعين..

مالهم مستقبل وحياتن مخيفه..

مافي وظايف ولابه راتبن زين..

وعقولنامن همناصارت خفيفه..

حتى حفايظ وحليب البزارين..

رفعها التاجر علينا بكيفه..

وعيوننا تناظر يسار ويمين..

نشوف خليجنا احوالهم مريفه..

كل يوم زياده وعلاوه وتامين ..

وعيشن رغد وقصورن منيفه..

وحنامن غلاالعيشه صرنا فقارين..

كلن علينا سل رمحه وسيفه..

والله لوحنا حمير وبعارين..

يمكن عشنا عيشه شريفه..

يادار ماهو حقن عليك تجازين..

عيالك اللي نيتهم لك عفيفه..

نحمي ترابك من جميع المعادين

من دونك الموت لوعافنا مانعيفه.

وانكان يادار للعلم توحين..

ترى صرنالغيرنا نكته سخيفه..

لاقالو.(( بدون)) يمال فرقى العين..

يضحك عليناكل ساقط وجيفه..