من اجمل ابداعات شاعر القبيله سالم ابن اجخير

[مانع بن ناصر الظريس]

من اجمل ابداعات شاعر القبيله
واخر قصايد
سالم ابن اجخير العرجاني






لاغنيت يبن جخير يامروض القيفان
تحزم بربعك وارفع الصوت بلعاني

تحن الرعود ويلتعج بارق الهتان
وتمطر مزون الشعر وتفيض قيفاني

اعرف القصايد قاف معنى بحر ووزان
والى جبتها من بدع راسي ووجداني

اغني وانا شفقان واكتب وانا شفقان
وراسي لصلفات الطواريق يحداني

الى جيت ابركد واتعوذ من الشيطان
تعزوابي الجن المسمى وناداني

اسمي وارتل ماتيسر من القران
وبلاي ان معاي جنون وتزود اجناني

سلامي على العجمان في وادي العجمان
سلامٍ ينومس كل عجمي وعرجاني

هل الوقفه اللي فالعيينه وفي كنزان
يسولف بها القاصي ويفخر بها الداني

على ذكرهم ركبت صوتي على الالحان
والى من سمعني طيب الراس لاحاني

ياراكان ابن سحمان وين انت ياراكان
عليك القصايد تعتزيبي وتنخاني

جذبني نباك وجيت وانا وسيع بطان
وذكر الرجال اهل المواجيب يشعاني

سلامي عليك امن القريات لا نجران
سلام الغلا من صدري لصدرك الحاني

ياشوق الهنوف اخت الستر عزوة الشجعان
اخيها لحاله ينطح القوم وحداني

على شانها كنك تسفح بلا جنحان
الى صيحت بسمك وقالت على شاني

مزاياك واجد يارفيع القدر والشان
الى جيت اعدد في مزاياك ماامداني

زعيم الكرم منصى العرب مقدم الشيخان
وسيع البنايد مكرم الضيف والعاني

بعيد النظر تاج الفخر مرهب العدوان
صعوط المجنن مزبن الجيش والجاني

يادفع البلا ماكنك الا خشير الجان
تكرع بدم اعداك وتقول مارواني

على شانك اسرجت القصيده وانا طربان
عنيت وعنى شعري من اجلك وعناني

لو اني اجيد اية لغه غير هذي كان
كتبت ومدحتك بالفرنسي والاسباني

مدحتك لحالك من محبه ومن صفطان
ولا ابغي سوى ترديد ياحي ماجاني

وصية شنب ماقالها فلان ابن علان
ترى ذي وصية شايبي يوم وصاني

عساني فدى اللي عزني لين صرت حصان
وعلى العز وعلوم الرجاجيل رباني

ترى حن حزام العز لاشانت الازمان
لا قلنا ترى حنا لها والعمر فاني

وقفنا نهار الكون فالصلب والصمان
على الموت نارد مثل ماتارد الساني

نبج النحور ونقطع الروس من الامتان
والى من غزينا كلنا اعبر من الثاني

لوإنا لحقنا عصر عثمان ابن عفان
بطشنا وجبنا العيد في كل نصراني

يوقف شعر راسي على طاري الجدان
واحس ان دمي يطبخ وسط شرياني

تراني طبيعي لامحشش ولا سكران
ولكن صميدع راس ولساني حصاني

الى من خويت اشفق على دلة الرسلان
والى من نهجت انهج على نهج جداني

امثل هل السمرا ليا جيت فالميدان
وعساني على القوه وصح الله لساني

اعد الحقايق واكره الزور والبهتان
وببقى على ماقلته ان الله احياني

وهذي عوايد صادق القلب والايمان
وعسى الله يثبتني على قوة ايماني

واذا مامدحتك وانت راكان ابن سحمان
فلا خير في شعري ولا خير فلحاني

واذا كان هتلر شاع ذكره مع الالمان
تراك انت هتلر غير ماجابك الماني

[العــــديم]

وقفنا نهار الكون فالصلب والصمان
على الموت نارد مثل ماتارد الساني
نبج النحور ونقطع الروس من الامتان
والى من غزينا كلنا اعبر من الثاني


كفو آل عرجا ويستاهلون المدح

صح لسان إبن جخير
ولاهنت ع النقل الفاخر

[علي الرطام]

صح لسان بن جخير

ولا هنت يبو ناصر ع النقل :d

[●• Ŝђǿǿq •●]

صح لسآنه ..
وألف شكر لك على الإنتقاء المميز ..~

[المنفرد]

اختيار موفق

صح الله لسانك ولسان شاعرها

[خالد بن نفل]

صح لسان ابن جخير
ولاهنت مانع ع الاختيار

[على طلوع القمر]

صح لسانكــ
على المرور الطيب ولاهنت على النقل

[ابو سالم الدويخ]

صح لسان الشاعر سالم بن جخير

و راكان ابن سحمان يستاهل المدح

ولا هنت ع النقل الرائع و المميز

تحياتي،،

[الهنــــــــــوف]

مـــانع .. صح لسان شاعرها وناقلها ..
لا هنت على الانتقاء الطيب ..
بانتظار جديدك ..
تقبل مروري المتواضع ..

[*ابوخالد*]

صح السانك والسان شاعرها

لاهنت على النقل الرائع