عفاس ابن هزاع آل مفلح العجمي

[ر1كان الناجعي]

الله على عصر أول العمر يا عيــاف=حبه بقى في في مشت الزور لاجــي
لا صفر لون العود والهيف به هــاف=واصبح به الجندب كثير اللجاجـــي
والعد عقب الجم يغرف امغــــراف=وثور على رووس النثايل عجاجــي
لمن نزلنا العد من عقب مصيـــاف=ابيوتا سود كما الليل داجــــــي
تسابغو كسب المراجل بالاســـراف=كان ابلجا في موقف الطيب عاجــي
انجورهم تسري مع الليل هتــــاف=وسوالف للكل ما هي مناجـــــي
سوالف تطرد شباء النوم لطــــاف=تنقلك لعصرا به العمر ساجـــــي
تنقلك للعليا ولمات الأطــــــراف=وتستعزب المشروب لا هو هماجــي
انعز جار الجار ولكل ميـــــلاف=ولا لنا في سر داره مزاجـــــي
ندمج له الزله ونغض له الطــــاف=ولا نبادله كثر الهروج المجاجـــي
حتى تفرقنا الليالي على كـــــاف=ودمعه من الفرقا على الخد ساجــي
وليا كفخ طير الصفاري برفـــراف=وسهيل مع روس القناتيب باجـــي
وبانت فتوق المزن للي لها شـــاف=وبكوا مواليف القلوب الهجاجــــي
وقيد السلف يوجف على كل وجــاف=عقب الوطا يزمي على كل حاجــي
حلو جديدا راج به سيل الأصيـــاف=وكلن من الفرحه شفي المداجــــي
وده يعانق بالنظر كل مشـــــراف=مطاولا هجر الهضاب الحواجـــي
والطير رعى الطير يشقى به أصنـاف=ولا همه اللي بالمناقيد هاجـــــي
ساعة يباغت مصبحا برق الاكتــاف=طيره لقا القايد وخلا الدجاجــــي
وشهر وقايدهن به الدم هكـــــاف=وحول عليهن كنه النجم قاجــــي
وتسابقن القاع ولكل قد خـــــاف=وتخد من وظهرهن كاالبلاجــــي
وخله وجاهم بارق الوسم كشــــاف=يدفع رباب مردف كالزجاجـــــي
وظهر جديد النبت طافا ورا طـــاف=ونوره غدا الشمس يبني محاجـــي
لازان نبته وارتدم كنه القـــــاف=وغنت به الورقا من اللحن شاجـــي
أيام ما تنسى لذيذات والطـــــاف=راحت كما حلم الليالي سجاجــــي
لياليا زلت والأيــــــــام زلاف=غيابها طول وانا كان راجـــــي
والشولاني من هو الشعر عــــزاف=لمن ذكر يوم القيامه امفاجـــــي

عفاس ابن هزاع آل مفلح العجمي

[فيصل بن حجرف]

السلام عليكم
لاهنت اخوي راكان على المشاركه الحلوه
وصح لسان الشاعر عفاس ابن هزاع
كلمات جميله وانشالله نشووف منك المزيد

[المجازف]

لا هنت اخوي راكان
وصح السانك ولسان الشاعر عفاس
تقبل تحياتي
اخوك المجازف

[cool]

السلاااام عليكم ورحمة الله وبركاااته


صح لساااانك رااااكاااان الناااجعي وصح لساااان الشاااعر عفاااس بن هزاااع

على القصيده الرااائعه والجميله .

تسلم ولا هنت .



كـووول