الثورة -- قصة ماصلة وحصرية

[فوق الرصيف]

الثوره
انا عضو جديد معكم

سك بالخير

لاحد يسألني وش المقصود بس اسمعهم يقولون كذا وهم عجلين،،
يوم صحيت ذاك اليوم كنت متضايق... المهف اللي ساكن بحارتنا وصيناه على كم حبه نوع "بودعك" قبل الاختبارات وجاب لنا بنادول نايت عاد خبري في الاختبار قبل يومين مدري نلحق ندرس ولا لأ

الموهم ان يوم فتحت عيني اثريني في سرير مدور ... وفوقه فرشه حمرا ... ذاك الرزليوشن بعدسات عيني اليمنى واليسرى زاد **وصارت النقاوة اتش دي وشغلت مساحات بجبهتي ورشتين مويه لين قمت اشوف مزبوط عقبها شميت ريحة زينه
عاد خبري بذي الروايح يوم لطشنا كاشير فندق ويصفقنا السكرتي ويحبسنا بغرفة مظلمه ساعتين وطردونا عقب مابكينا
انا حسيت اني في جنه او ان الحبوب اللي خذناها خلتنا نبدل شخصيات مع ناس ثاني وكنت اقول يارب ماصرت شخصيتي نثيه حلفت ماحلق شعر بطني
الموهم مالكم بالطويله ، تراني ماقصد جارتنا ، الموهم مالكم بالطويله اللي مهي بجارتنا، انا قلت بشوف المرايا هو انا نفسي او تغيرت .... اثاري المرايا حقتهم سودا وفيها زر تحت
قلت اخس تحولت لعالم فضاء يا فوق الرصيف وادعس الزر الا يطلع تلفزون الماخوذ...**
مالكم بالطويله اللي مهي بجارتنا ... الا الاخبار يقولون "ثورة في تونس" مافهمت وش الثوره اللي بتونس ... واغير القناة الا مذيع يقول " ثوره في مصر" واعصب واغير القناة ويطلع المذيع يقول "ثورة في ليبيا" وش سالفة الثورة هذي.. واغير الا المذيع يقول " الثورة في اليمن وسوريا " هنا وقفت عاد

وش موضوع الثورة اللي ماعندها ثور يسترها ذي؟

مالكم بالطويله اللي مهي بجارتنا ... انا شكيت انا الاشياء تغيرت وصرنا رجال ورجاله والنمر والنمره والاسد والاسد والاسده عاد مو بوقته يغيرون اللغة وانا وراي اختبار ويقولون نسوي اب ديت للكتاب وانا مسوي جلبريك وين نصرفها ذي

انا شفت الزحمه في هذي الدول والناس مجتمعه ومتزاحمه يدورون الثورة قلت يمكنها تبيض ذهب وانا سامع عن الدجاجه اللي تولد الذهب ... قلت ابتصل في العيال نروح سوريا منها براد ومنها الجنيه نازل ومنها نشوف وين راحت الثوره يمكنها تنطح الاسد قولوا امين

وادور المرايا وشوف نفسي سميه الخشاب ...
هذا انا صدق ؟!!؟! ولا رقمت نفسي ولا تعرفت على نفسي معقوله ... قلت لا لا لا اول شي لازم اخذ دوش سريع **
**

دقايق الا يطق باب الغرفه .. الباب خشبي بس صوته صوت حديد،،، واشوف المهف والمخف جاييني... ... بيني وبينكم انا معاد الاول وبصراحه خفت على نفسي ... ويمدلي الاول سنكرز .... تذكرت ان انا مو انا وانا جيعان ...**

انتهت الحلقة الاولى**
والمستفاد من الموضوع

-لاتنام جيعان
-حافظ على الحلاقه الدائمه فلا تعرف الظروف
-لاتطرش زلايب يجيبون لك حاجه
- اذا كان عندك جار طويل لا تشمت فيه بل زوجه لجارتنا الطويله





**
الموضوع خاص في منتدى العجمان دوت نت -اي نقل ذكر المصدر

[مـ ع ـذور أح ـبك]

ههههههههههه


نقل فكاهي لاحداث عالمنا


واللي بعضنا مايدري وين الله قاطه فيه



تسلم خيوو


بانتظار الحلقه الثانيه


لاهنت

[الـعـابـر]

لاهنتي على الموضوع

[مانع بن ناصر الظريس]

لاهنت على القصه.

[فوق الرصيف]

معذور .. أشكر تفاعلك المبكر يا غالي

العابر ... ولا أنت ... لاتقول لاهنتي ولا تبي تشوف شعر بطني

مانع أشكر مرورك