ليلة . السبت ...... !!!!

[تايه الغربه]

هاجسي في ليلة السبت عيا لا ينام= كل ما نامت اعيون البشر قام وسرا

تارد إهجوس المولع مواريد الحيام= ازعجتني والعيون ابتعد عنها الكرا

كل مقبل خندريس اسود الليل الظلام= اقبلت كنها طوابير قوه . عسكرا

ضامت اللي يقصد انه بوقته ما يضام= من سببها جرح قلبي عليه امكررا

يا حياة شمسها ماتبين إمن الغسام = لا بغيت . اسير قدام .. ردتني .. ورا

قرب اللي مصنعه جاب تصميمه تمام= ماركة فكسار . ضد العطال انجكترا

تاج مصنع شركته فوق كبوته إزمام=أقر . كتلوجه وشكله ايجيك إمطورا

تشتريه اصحاب الانظار والربع الحشام= والشيوخ اللي لما بان شأن تظهرا

لو تزيد. اثمانها.. فالمكارم .. للكرام= والغلا . اللي بوقت اللزوم .. إيحضرا

لاندرج في لازمي . تحت سواق ولام= كنه اللي شيكته .. المواني . وابحرا

كن حسه حس . سيل تعرض له إعجام= مع مضيق الوادي اللي تضايق واحدرا

نصه اللي شبه حر . من المرقاب . حام= وبلغوا . (ناجي) علومي بسر . واجهرا

لا وصلته يا رسولي فبلغه . السلام= قل علامك ما لفا . منك علم .. يذكرا

ضني انك نادر والخوال من العمام= طيب مجناك .. والظن . بك . ما يخسرا

الحرار النادره ما تصيد الا الجسام= والنوادر ما توالف . اطيور . الحمرا

ناجي الصدر ضايق ولا فيها كلام= لحقني ميل الدهر . والشماميت أقصرا

ونتي ونت كسير شكى ضيم العظام= انكسر عظمه ولا فاده اللي .. جبرا

كل ما جريت بصوت نايحت الحمام = قمت اجاوبها وحالي من الهم . انبرا

ناجي .. حذراك خوة ردين المقام= شف .. ردين .. الجهد .بلزوم ... أمعثرا

وخلك مع ربعك . وفين بصدق واحترام= وان بدا شأن .. القبيله فلا تتأخرا

والركايب لا تمثنا .بها وادي الهيام= ثم تجنب .. من . توده . وترجع لزرا

واخذ قسمك يا فتى الجود من راس السنام= واطلب الله لا يغرك زمانك لازهرا

الليالي المقبله دورها يلزم إلزام= والشدايد .. درس يدري .. بها اللي ما درا

اخذ علم اللي ودك . وشد ابه الحزام= لنك يا مشكاي لي فيك . ظن ونظرا

واطلبك بالله وجاهي وجاه ارجال (يام)=تفهم اللي قلت لك والقرار أمقدرا

واطلب الله في بداية كلامي والختام= لا يمرك جور .. الايام . والله يسترا

__________________________________________________ ____

هذي القصيده لشاعر / سالم بن زميع اليامي موجها لأبنه ( ناجي )

اتمنى ان تنال اعجابكم