يابنت يالي تلبسين الفرنسي..........!!!!!

[بعيد الهقاوي]

مساكم الله بالخير






يابنت يالي تلبسين الفرنسي

.......... وتمسسينه فوق الارداف مسّا



حمستي قلوب المساكين حمسي

.......... والي يشوفك طال ليله ولاامسا



الناس ترها يا البنيه تحسّي

.......... لا تحسبين ان العرب ما تحسا



وانتي عرضتي والبضاعه تعسي

.......... والي يطب السوق مثلك يعسا



ابديتي الي كان لازم يدسي

.......... الي عن عيون الخلايق يدسا



واليوم قدمتيه في وسط تبسي

.......... وقلتي لجمهور الجويعين كبسا



لين اجتمع وايل وهيثم وعبسي"

.......... مثل البساس اليا اروحت ريح بسا



وجيههم مثل المرايات ملسي

.......... وعيون مرطٍ والمناخير فنسا



لا ما التفت كنه مجبّس بجبسي

.......... خايف على الغتره تعطّف وتقسا



كنه مربط فوق علباه حلسي

.......... ودك تسوقه بين الاسنان بقسا



بنت الرجال الي على الخيل ترسي

.......... الي وراهم يشبع الذيب فرسا



صارت تغنّج بين كدلك وجمسي

.......... واحمس قلبي من فعايلك حمسا



شومي عن اهل الدندنه والمجسّي

.......... الي ليا ذكروا هل الطيب يخسا



ذولاك ما يسوون يابنت فلسي

.......... لو جتهم الهيئه يروحون دعسا



نسيتي ان الي خلق جن وانسي

.......... يمهل ولا يهمل ولا هوب ينسا



قادر على انه يحبس الروح حبسي

.......... في ساعةٍ كل المخاليق خرسا



اضفي العبايه خلّي العود مكسي

.......... حتى يجي عندك عريس وعرسا



تبنين جيلٍ يغرس الطيب غرسي

.......... جيلٍ خذا في سلم الاجواد درسا


لكن ماأدري منهو قايلها

بعيد بعيد الهقاوي

[ولد مرزوق]

السلام عليكم

نسيتي ان الي خلق جن وانسي

.......... يمهل ولا يهمل ولا هوب ينسا

لاهنت يا بعيد الهقاوي
ووالله خوش قصيده
ويعطيك الف عافيه

[بنت راكــــان]

لاهنت اخي بعيد الهقاوي

وبارك الله فيك على الاختيارات الاكثر من رائعه

والله يهدي الضال من فتيات المسلمين

[فيصل بن حجرف]

السلام عليكم

لاهنت اخوي بعيد الهقاوي على القصيده الاكثر من رائعه

وفيها نصيحه انشالله انها توصل لكل من يعنيهم الكلام

ولك مني ارق التحيه

[راكان اليامي]

صح الله لسانك ولسان كاتبها

واشكرك على الاختيار
تحياتي