التعامل مع المواقف التربوية "موضوع متجدد"

[الــنــايــفــة]

السلام عليكم ورحمة الله وبركاته ..


مهما بلغنا من التعليم نظل كل يوم في حاجة الى المزيد ..

المزيد من كل جديد ..
يظل الانسان يتعلم ..
وليس في ذلك عيب ..
وربما يواجه التربويون مواقف تربوية يومياً في االحقل التربوي ..
يواجهون خبرات جديدة قد لاتكون قد مرت بهم ..
فأحياننا يتصرفون التصرف السليم ..
وأحيانا ربما لايستطيع التربوي إتخاذ علاج مناسب في الوقت المناسب ...
إما لعدم خبرته ..
أو لكون الموقف جديد عليه ..
أو لم يتوقعه ..

وفي هذا الموضوع أحببت أن نكون موسوعة للكثير من المواقف التربوية
التي يقابلها المعلم في مدرسته وتحديدا مع طلابه أو حتى عندما يقابل
بعض الطلاب خارج المدرسة او اولياء الامور ..
سواء الذي تعرض للموقف معلم ..
أو أخصائي إجتماعي
أو موجه ..
أو مساعد مدير ..
أو مدير ..
أو حتى زائر للمدرسة ..
أو ولي أمر قام بزيارة للمدرسة...

هنا سنقوم بطريقة جديدة ..
هي عرض المواقف التربوية
بحيث نرى وجهات نظر الأعضاء والمشرفين وعامة التربويين دون استثناء ..
ونستمع لكل مشارك ...
ونرى وجهة نظره حول الموقف المطروح...
من خلال ذلك نأمل أن يزيد رصيدنا من طريقة التعامل مع المواقف التربوية ..
ويتعلم الجديد أيضاً ..

لاتبخلون بمشاركاتكم ... و نرجو تثبيت الموضوع

وشكرا لكم مقدماً ....

[# أم أطياب #]

وعليكم السلام ورحمة الله وبركاته

.

موضوع راااااااااااااااااااائع

ولكن أتمنى أن تبدئي أختي النايفهـ بأحد المواقف حتى يسهل على العضو أن يعرف نوعية الموقف الذي تقصدينهـ

وشكرا

.

[شخص عادي]

لاهنتي على الموضوع التربوي المفيد

وعندي استفسار بما اني ولي امر

ليش المدارس البنين الابتدائي مايخصصون مكان للصلاة جماعي ويكون الامام الحارس
لاني الاحظ اغلب المدارس مايقولون للطلاب يصلون

لاتقولون على شان كل المدرسة معلمات
او مافية مكان يكفي الطلاب كلهم
اومافبة وقت

فية مكان يكفي للصلاة
وتقدر مديرة المدرسة تطلب من الوزارة او من جمعية المنطقة فرش او زل او سجادات للصلاة وماراح يقصرون

في كل مدرسة حارسين على الاقل واحد يصلي بالطلاب والثاني يحرس البوابة وبعد مايخلص الثاني يروح يصلي


بس يهدونهم يلعبون في الساحه ومايقولون لهم صلوا

[متذوق شعر]

تسلمين اختي موضوع مميز ويحتاج تفاعل من

الجميع

بصراحه اكثر المواقف اللي يكون فيها احراج لما يسألك طالب سؤال وتكون مو عارف الاجابه

انا بصراحه عندي طريقه اعرف اطلع من الموقف بس ودي اعرف راي اهل الاختصاص

اومن لديه خبره في هذا المجال وشكرا

[الــنــايــفــة]

المشاركة الأصلية كتبت بواسطة # طِــيــبــهــ #

وعليكم السلام ورحمة الله وبركاته

.

موضوع راااااااااااااااااااائع

ولكن أتمنى أن تبدئي أختي النايفهـ بأحد المواقف حتى يسهل على العضو أن يعرف نوعية الموقف الذي تقصدينهـ

وشكرا

.

الرائع مرورج وتفاعلج مع الموضوع ..
وان شاءالله راح اقولكم موقف ما انسااه ..

اول شي انا رئيسة قسم مادة دراسية ..

في اول سنة رئاسة للقسم كان يوم مناوبتي اني اكون بالادراة اساعد المديرات المساعدات
ومن قرادة حظي ذاك اليوم محد منهم متواجد لا المديرة ولا المديرات المساعدات ..
ودخل ولي امر طالبة علي وكلمة معصب ومنفعل شوي عليه << حسيت وده يفصخ عقاله ويطق اللي جدامه ..
المهم بيني وبينكم مو خفت الا بغيت اروح فيها من الرعبة ..
بس سبحان الله ابتسمت في وجه وقلت : معقولة هالوجه المنور يعصب وينفعل ؟؟ حياك استريح وقدمت له كاكاو من الموجود على الطاولة ..

تتوقعون شنو كانت ردة فعله ..؟؟

والله انه ابتسم وقعد يسولف معاي بطل هدوء .. وخليته يحس انه ممكن يحل اي مشكلة بدون تعصب ..

لو انا شديت معاه من البداية وعصبت منه وهم كان حده متنرفز ما عدى ذاك اليوم على خير ..

ومن ساعتها لما اشوف الشخص اللي جدامي معصب ما احاول اعصب او اعصبه بزيادة ..
الامور تنحل بهداوة .


والمواقف اكييد ما تنتهي ....

[الــنــايــفــة]

المشاركة الأصلية كتبت بواسطة متذوق شعر

تسلمين اختي موضوع مميز ويحتاج تفاعل من

الجميع

بصراحه اكثر المواقف اللي يكون فيها احراج لما يسألك طالب سؤال وتكون مو عارف الاجابه

انا بصراحه عندي طريقه اعرف اطلع من الموقف بس ودي اعرف راي اهل الاختصاص

اومن لديه خبره في هذا المجال وشكرا

الله يسلمك ياخوي على مشاركتك ..
وان شاءالله يكون فيه تفاعل من الجميع ..

انا حسب خبرتي لما احد يسألني سؤال ومو متاكدة من اجابته او مو عارفه .. ما ابين له اني ما اعرف الاجابة ..
بالعكس ابتسم واشكره على سؤاله واوجه السؤال للطالبات واقول ان زميلتهم سالت سؤال مهم
وابي الشاطرة اللي تجاوب عليه ..
ويصير نقاش في الحصة .. وبعدها اقول خلاص انا سمعت اجاباتكم بس هذي المعلومة ابيكم تبحثون عنها واول طالبة تعطيني الاجابة لها درجة ..

انا هذي طريقتي ..

ونحب نشوف بعد اللي عنده رااي ثاني هم يفيدنا ..

[الــنــايــفــة]

المشاركة الأصلية كتبت بواسطة شخص عادي

لاهنتي على الموضوع التربوي المفيد

وعندي استفسار بما اني ولي امر

ليش المدارس البنين الابتدائي مايخصصون مكان للصلاة جماعي ويكون الامام الحارس
لاني الاحظ اغلب المدارس مايقولون للطلاب يصلون

لاتقولون على شان كل المدرسة معلمات
او مافية مكان يكفي الطلاب كلهم
اومافبة وقت

فية مكان يكفي للصلاة
وتقدر مديرة المدرسة تطلب من الوزارة او من جمعية المنطقة فرش او زل او سجادات للصلاة وماراح يقصرون

في كل مدرسة حارسين على الاقل واحد يصلي بالطلاب والثاني يحرس البوابة وبعد مايخلص الثاني يروح يصلي


بس يهدونهم يلعبون في الساحه ومايقولون لهم صلوا

الله يسلمك لا هنت على المرور ..

بالنسبة لمدارسنا انا احس انه في غلط في وقت الفرصة الثانية << فرصة الصلاة >>..
لان الوقت كله عشر دقايق وعلى ما يجتمع الطلبة ويتوضون ويصلون يبون لهم نص ساعة .. وتكون الحصة اللي بعد الفرصة بدت ..

انا معاك ان في بعض المدارس ما تحث الطلبة على الصلاة الجماعية سواء طالبات او طلبة ..
ولا يقولون ما عندنا مصلى .. كل مدرسة فيها مصلى .. << المدارس القديمة المصلى عبارة عن مسجد متكامل ..

الدرو هني اخوي على الوزارة المفروض تخصص وقت للصلاة << يعني بذمتكم الزومنا على ساعة النشاط وما يلزمون الطلبة للصلاة ..؟؟

وبالنسبة ان الحارس يصلي بالطلبة هذي فكرة حلوة بس صعبة يدخل وقت الدوام داخل المدرسة بين المعلمات .

بصراااحة اتمنى اشوف اهتمام من الوزارة والمدارس لحث عيالنا وبناتنا على الصلاة ..

شاكرة لك تفاعلك ..

[متذوق شعر]

السلام عليكم ورحمة الله

عندي اليوم مشكله وابي حلها من اهل الخبره وحاب اعرف رايكم

بالنسبه لآخر السنه والفلته وعدم الالتزام من الطلبه

وباقي جزء من المنهج ماخلص برايكم وش الطريقه المثلا

لمثل هذا الوضع وشلون اقدر اخلص المنهج وشكرا

[الــنــايــفــة]

وعليكم السلام ورحمة الله وبركاته ...

ابد ياخوي لاهي مشكلة ولا شي ..

بالنسبة للفلتة اخر السنة و غياب الطلبة بسيطة ..اول شي نلزم الطلبة ونمسكهم عن طريج الامتحانات .. نحط جدول كل يوم امتحان وتنحسب درجته بالفعل ..
ويكون الامتحان بعد الحصة الرابعه عشان ما يجي ولي الامر ويطلع عياله ..
واللي يغيب ماله امتحان حتى لو جاب طبية لان ما في وقت لامتحان مؤجل << صدقني احنا في مدرستنا متبعين هذا النظام ولله الحمد ماشية الامور تمااام ..ودوام الطالبات عندنا لحد يوم الاربعاء الجاي ..

والله يوفق الجميع ..

[متذوق شعر]

تسلمين على المعلومات والرد الوافي

لكن وين الاداره اللي تفتهم